Atalǵan memlekettik járdemaqyǵa tabysyna qaramastan 4 jáne odan kóp birge turatyn kámeletke tolmaǵan nemese kúndizgi bólimde oqıtyn 23 jasqa deıingi stýdent balalary bar kópbalaly otbasylar úmitker bola alady. Tólem mólsheri balalardyń sanyna baılanysty 42,5 myń teńgeden (4 bala) 74,4 myń teńgege (7 jáne odan da kóp bala) deıin saralanǵan.
Sonymen qatar búgingi kúni 8 jáne odan da kóp balalary bar otbasylar úshin jekelegen mólsherlerdi belgileý jolymen jańa járdemaqyny keńeıtý qamtamasyz etildi. Aǵymdaǵy jyldyń 13 mamyrynda Memleket basshysy tıisti zańǵa qol qoıdy.
8 balaǵa beriletin járdemaqy 88 896 teńge, 9 balaǵa – 100 008 teńge, 10 – 111 120 teńge, 11 – 122 232 teńge, 12 – 133 344 teńge, 13 – 144 456 teńge, 14 – 155 568 teńge, 15 – 166 680 teńge, 16 – 177 792 teńge kóleminde belgilendi.
Járdemaqyny keńeıtý 2 451 otbasyna áser etedi, onda qosymsha 3 710 bala qamtylatyn bolady.
Jalpy 2020 jyly kópbalaly otbasylarǵa memlekettik járdemaqy tóleýge respýblıkalyq bıýdjetten 177 mlrd teńge bólindi.
Esterińizge sala keteıik, kópbalaly otbasylarǵa beriletin jańa memlekettik járdemaqy Qazaqstanda 2020 jylǵy 1 qańtardan bastap ataýly áleýmettik kómek kórsetýdiń jańa tetikterimen qarastyrylǵan tabysy az jáne kópbalaly otbasylardy qoldaýdyń úsh negizgi baǵyty aıasynda engizildi.
