Monsha keshenderinen tys shashtarazdar men sulýlyq salondary aldyn-ala jazylý boıynsha 10.00-den 18.00-ge deıin jumys isteıdi. Jazǵy alańy bar, ashyq aspan astynda ornalasqan syıymdylyǵy 30 adamnan aspaıtyn qoǵamdyq tamaqtaný oryndary 10.00-den 20.00-ge deıin, al qurylys materıaldary men turmystyq taýarlardy satý bazarlary 7.00-den 17.00-ge deıin jumys isteıdi.
Sondaı-aq 19 mamyrdan bastap túlekterdi ulttyq biryńǵaı testileýge daıyndaý boıynsha Taraz qalasy aýmaǵynda ornalasqan oqý ortalyqtarynyń qyzmetine ruqsat etiledi. Joǵaryda atalǵan kásip túrleriniń jumysyn qalpyna keltirýdiń mindetti sharty – sanıtarlyq-epıdemıologııalyq talaptardy qatań saqtaý bolyp tabylady. Muny arnaıy mobıldi toptar qadaǵalaıtyn bolady.
Al, oblys turǵyndarynyń qaýipsizdigin qamtamasyz etý maqsatynda, sondaı-aq ınfeksııanyń taralý qaýpiniń joǵary bolýyna baılanysty qoǵamdyq kólikter toqtatylǵan bolatyn. Búgingi tańda qalyptasyp otyrǵan epıdemııalyq jaǵdaı qoǵamdyq kólikterdiń jumysyn qaıta jandandyrýǵa múmkindik bermeı otyr.
Atalǵan jeńildikter koronavırýstyń taralý oshaqtary bar Qordaı, Baızaq jáne Jambyl aýdandarynan basqa barlyq aýdanda qoldanylady. Oblystyń aýdandary men Taraz qalasynyń perımetri boıynsha avtojoldarda, koronavırýs aýrýy anyqtalǵan eldimekenderde karantındik sharalar alynyp tastalǵansha blok-beketter óz jumysyn jalǵastyratyn bolady. Turǵyndardyń qozǵalysy da shekteýli kúıinde qala beredi.
Jambyl oblysy
