«Astana – adaldyq alańy» jobasy iske qosylǵannan beri elorda turǵyndaryna qyzmet kórsetý sapasy aıtarlyqtaı jaqsardy. Joba memlekettik mekemelerdiń jumysyndaǵy ákimshilik kedergilerdiń joıylýyna múmkindik berdi. Elimizde alǵash ret «Astana – adaldyq alańy» jobasy aıasynda engizilgen front-keńseler elordanyń aýdan ákimdikterinde memlekettik qyzmetti alý prosesterin jeńildetti.
Joba aıasynda ashylǵan IQALA qalalyq qyzmet kórsetý ortalyǵy – 129 túrli memlekettik qyzmet kórsetetin qala turǵyndary men bılik arasyndaǵy qarym qatynastyń jańa formatyna aınaldy.
IQALA ortalyǵy karantın kezinde jedel jumystar atqaryp, Nur-Sultan qalasyna júk tasymaldaıtyn júrgizýshiler úshin «Jasyl dáliz» elektrondyq qyzmetin ázirledi. Osylaısha
post.iqala.kz saıtyna ótinish berý arqyly blok beketterden kedergisiz ótýine múmkindik berdi jáne ol ótinishter dereý «Sergek: blok-beket» qosymshasyna kelip tústi.
Júk kóliginiń júrgizýshisine bar bolǵany: saıtqa kirý, qalaǵa kirý/shyǵý týraly derekterdi, kóliktiń nómirin, JSN, tasymaldanatyn júkterdiń ataýyn, olardyń sanyn, sondaı-aq júrý baǵytyn kórsete otyryp ótinimdi toltyrý qajet. О́tinishti berý ESQ jáne ózge de qosymsha qujattardy talap etpeıdi.
Bul jańashyldyq pandemııa kezinde adamdar arasyndaǵy baılanystyń aldyn alyp, tekseriske ketetin ýaqytty únemdeýge múmkindik berdi.
2018 jyly joba sheńberinde memlekettik organdar men ákimdiktiń vedomstvolyq baǵynysty uıymdarynda artyq alańdar men fýnksııalardy ońtaılandyrý jumystary júrgizildi. Nátıjesinde, 450 mln teńge bıýdjet qarajatyn únemdeýge múmkindik berdi.
«Astana – adaldyq alańy» jobasy aıasynda elimizde alǵashqy bolyp «Bıýdjetke qatysý» jobasyn iske qostyq. Bıýdjetke qatysý jobasynyń ereksheligi – azamattar óz usynystary arqyly qalany kórkeıtýge jáne damytýǵa belsene atsalysady. Iаǵnı árbir bastamaǵa, jóndeý jumystaryna qala turǵyndarynyń da jaýapkershiligi arta tústi. О́tken jyly «Saryarqa» aýdany ákimdiginde aýlany abattandyrý boıynsha 100 mln teńgeni quraıtyn 14 joba júzege asyrylsa, bıylǵy jyly 583 mln teńge bólindi.
«Adaldyq alańy» jobasynyń basty mindetteriniń biri – memlekettik mekemeler qyzmetiniń ashyqtyǵyn qamtamasyz etý bolyp tabylady. О́tken jyldan bastap joba keńsesi Facebook jáne Instagram áleýmettik jelileri arqyly elordalyq memlekettik organdar basshylarymen tikeleı baılanys ótkizdi. Bul ádis tótenshe jaǵdaı kezinde tıimdiligin kórsetti. Memleket basshysynyń karantın kezeńinde sybaılas jemqorlyqtyń aldyn alý boıynsha sharalardy kúsheıtý týraly tapsyrmasy boıynsha Antikor ortalygy alańynda «Astana – Adaldyq alańy» jobasynyń jetekshisi, qala ákiminiń keńesshisi Mıras Shekenov respýblıkada alǵashqylardyń biri bolyp densaýlyq saqtaý, áleýmettik qorǵaý, bilim berý, polısııa jáne avtomobıl joldary salalarynyń basshylarymen onlaın baılanys ótkizdi. Aıta ketý kerek, bilim basqarmasynyń basshylarymen qashyqtan oqytýdy engizý, oqýshylardy UBT-ǵa daıyndaý, azamattardy áleýmettik qoldaý sharalary, karantın kezeńinde turmystyq qaqtyǵystardy sheshý boıynsha polısııa departamenti basshylarymen ótkizilgen tikeleı efırde jeli qoldanýshylary oń baǵasyn berdi. Adaldyq alańy jobasy aıasynda joba jetekshisi 23 onlaın baılanys ótkizdi. Sonymen qatar joba menedjerleri «Adal komek» aksııasyna turaqty túrde qatysyp keledi.
Aǵymdaǵy jyldan bastap bilim berý mekemelerine monıtorıng jumystary kúsheıtildi. Nátıjesinde, birqatar mekteptiń qarjy-sharýashylyq qyzmetin júrgizýde júıeli kemshilikter anyqtaldy. Oǵan oqý ornynyń shatyry 3 jyldan beri jóndeýden ótip kele jatqany nemese kúrdeli jóndeý jumystaryn júrgizýge arnalǵan qarajatty tıisti emes jumysqa jumsaý sekildi kemshilikter aıqyn mysal bola alady. Qazirgi ýaqytta oqý oryndarynyń qarjy-sharýashylyq qyzmetine qatysty barlyq máseleler oń sheshildi, kináli laýazymdy tulǵalar jumystan bosatýǵa deıin jazalandy.
Elorda bilim berý mekemelerinde, sondaı-aq memlekettik organdarda adaldyq dúkenderin ashý jónindegi agenttiktiń bastamasyn alǵashqylardyń biri bolyp qoldady. Búgingi kúni qalanyń barlyq mektepteri men kolledjderinde kitaphanalar men adaldyq dúkenderi ashyldy, «Adal urpaq» klýbtary men «Sanaly urpaq» jobasy belsendi jumys isteýde. Parasattylyq saǵattary bilim berý mekemeleriniń tárbıe josparyna engizildi. Sondaı-aq qashyqtan oqytý kezeńinde ómirlik qıyn jaǵdaıǵa tap bolǵan balalardy qoldaý ortalyǵynda alǵash ret «Adal kitaphana» iske qosyldy. Onda osy mekemeniń tárbıelenýshileri kitaphanany erkin paıdalana alady, jýrnalǵa tirkelip, kitapty qoldanǵannan keıin keri qaıtarady, al kitaphana bes kúndik jumys aptasynan «demalyssyz» rejimge aýystyryldy.
Jańa oqý jylynda «Adal urpaq», «Sanaly urpaq» eriktiler klýbtarynyń jumysy jáne integrityshop jumysy ári qaraı jalǵasady.
Sondaı-aq kelesi jobalardy iske asyrý josparlanýda:
– «Senim bıýrosy» jobasy (ár mektepte jol júrýge, sómkelerge, telefondarǵa, aqshalarǵa jáne t. b. arnalǵan jáshikter qurylady);
– «Biryńǵaı is-qımyl kúni» jobasy, toqsan saıyn «Mektep – áleýmettik belsendilik aýmaǵy» aksııalary, «Meniń azamattyq ustanymym» rolıkteri, «Eresekterge suraq qoı» brıfıngteri júzege asady;
– «Adaldyq sheberhana» jobasy (ár mektepte sheberhana buryshtary uıymdastyrylyp, onda balalar bos ýaqytynda qolónermen aınalysa alady, jumystar keıin «Adaldyq dúkenderinde» satylady.
Tótenshe jaǵdaı kezinde joba menedjerleri Arnaıy monıtorıngtik toppen birlesip qala bazarlarynda azyq-túlik baǵasynyń joǵarylaýyn baqylaý jasaý úshin monıtorıng júrgizdi, blok – beketteriniń jumysy tekserildi, qalanyń kireberisteri men kóshelerin dezınfeksııalaýdy júrgizetin uıymdardyń qyzmeti zerdelendi, tıisti usynystar ázirlendi. Barlyq is-sharalar buqaralyq aqparat quraldary men áleýmettik jelilerde belsendi túrde jarııalanyp keledi.
Atalǵan jumystar buqaranyń jemqorlyqqa qarsy mádenıetin qalyptastyrýyna oń yqpalyn tıgizýde. Sybaılas jemqorlyqqa qarsy is-sharalar jalǵasatyn bolady. Biz azamattardyń tarapynan kelip túsken barlyq usynys-tilekterdi barynsha nazarǵa alyp, sheshý joldaryn qarastyramyz. Alaıda ózimiz ómir súrip otyrǵan qoǵamdy barynsha qolaıly ári qaýipsiz etý – árqaısymyzǵa júktelgen mindet.
Jazıra JYLQYShIEVA,
Sybaılas jemqorlyqqa qarsy is-qımyl agenttigi Nur-Sultan qalasy boıynsha departament basshysynyń birinshi orynbasary
