Sonymen qatar, teatrdyń jetekshi solısti Dılara Shomaeva, shaqyrylǵan qonaqtarmen birge, teatr repertýaryndaǵy spektaklderdiń qupııa belgileri men mazmunynyń syryn ashady.
10-mamyrda shyqqan alǵashqy habar teatr tarıhyna arnaldy. Myńdaǵan jyl ishinde sahnanyń qanshalyqty ózgeriske ushyraǵany jáne onyń qazirgi kúıi sóz boldy. Habardyń qonaǵy «Astana Balet» teatrynyń jetekshi solısti Darına Qaırashevamen suhbat barysynda, otandyq horeograf Mýkaram Avahrıdiń «Salomeıa» bir aktili baletiniń kókemdik bezendirilý erekshiligi men horeografııasy jaıly áńgime qozǵaldy.
22-mamyr, saǵat 20:00 kórsetiletin ekinshi habardyń qonaǵy – «Astana Balet» teatrynyń qoıýshy-horeografy, Qazaqstannyń eńbek sińirgen qaıratkeri Aıgúl Tátı bolmaq. Suhbat barysynda, teatrdaǵy ulttyq naqyshtaǵy dúnıeler jaıly, jalpy, qazaq bıiniń bolashaǵy jaıly sóz qozǵalmaq. Sonymen birge, kórermen qaýym kóne zamannan osy kúnge deıingi ulttyq horeografııanyń tarıhınan qulaǵdar bola alady.
29-mamyr, saǵat 20:00 kórsetiletin úshinshi habarda teatrǵa barý dástúri sóz bolmaq. Iаǵnı, b.z.d. 5 ǵasyrdaǵy erejeler men qazirgi kezde qalyptasqan tártip, sonymen birge, ózge de dúnıeler aınalasynda áńgime órbıdi. Habar qonaǵy - «Astana Balet» teatrynyń horeografy Rıkardo Amarantemen birge, onyń biregeı qoıylymdarynyń atmosferasyna enip, jalpy, balet shyǵarý úrdisiniń nıýanstary jaıly aıtylady.
