Erbol Sadyrdyń aıtýynsha, koronavırýs indetine baılanysty qaladaǵy medısına qyzmetkerlerine beriletin ústemaqyǵa qatysty tekserý jumystary aıaqtalǵan. Aıta keteıik, ótken aptada sterıldeý ortalyǵynyń mamandary basshylaryna senimsizdik tanytyp, tıesili ústemaqyny tolyq almaıtyndaryn aıtqan bolatyn. Al jedel járdem qyzmetkerleri ústemaqylaryn tolyq kólemde ala almaı otyrǵandaryn jetkizgen. Osy jaǵdaılarǵa baılanysty qala ákiminiń tapsyrmasymen jumys toby qurylyp, eki mekemede tekserý júrgizilgen.
- Tekserý jumystarynyń qorytyndysy boıynsha sterıldeý ortalyǵynyń qyzmetkerlerine tólemaqy men járdemaqylaryn qosymsha tóleý barysynda óreskel zańbuzýshylyqtarǵa jol berilgeni anyqtaldy. Soǵan baılanysty ortalyqtyń bas dárigeri qyzmetinen bosatyldy. Ondaǵy medısınalyq qyzmetkerlerdiń aılyqtarynyń barlyǵy qaıta eseptelip, qosymsha járdemaqylary tólendi, - dedi qala ákiminiń birinshi orynbasary.
Erbol Sadyr sondaı-aq jedel járdem ortalyǵynda jumystardy uıymdastyrý barysynda túsindirý men jedel járdemdi baǵyttaý barysynda qyzmetkerlerge bir deńgeıde qosymsha qarjy tólenbegenin jetkizdi.
- Osy jaǵdaıdy eskere otyryp, biz arnaıy tólemderdiń kólemin joǵarylattyq. Júrgizýshilerge 125 myń teńgege deıin, dárigerler men feldsherlerge 250 myń teńgege deıin kóterdik. Kishi medısınalyq personaldarǵa «Halyq bankiniń» demeýshiligimen 40 myń teńgeden qosymsha qarjy tólep berdik. Iаǵnı, jedel járdem qyzmetiniń mamandaryna sanattaryna sáıkes qosymsha ústemaqylary tólenedi. Jedel járdem stansııasy basshylyǵyna shara qoldaný máselesi qaralýda,- dedi E. Sadyr.
Shymkent
