Jalpy otyrysta Májilis depýtaty Qanat Mýsın atalǵan zań jobasy boıynsha Zańnama jáne sot, quqyqtyq reforma komıteti Parlament Senaty engizgen ózgerister men tolyqtyrýlardy muqııat qarap shyqqanyn aıtyp, birqatar másege toqtaldy.
– Senattyń túzetýleri Májilis maquldaǵan tujyrymdama men mazmundy ózgertpeıdi, ári onyń jekelegen normalaryn jaqsartýǵa baǵyttalǵan. Atap aıtqanda, respýblıkalyq mańyzy bar qalalardyń, astananyń jáne oblystardyń ákimshilik ortalyq aýdandarynda beıbit jınalystardy uıymdastyrýdyń arnaıy oryndarynyń mindetti sanyn belgileý, turmys-tirshilik nysandarynyń, kólik pen ózge de ınfraqurylymnyń jumys isteýiniń buzylýy, azamattardyń erkin júrip-turýyna kedergi keltirý sııaqty beıbit jınalysty ótkizýden bas tartý negizin alyp tastaý usynylady. О́ıtkeni mundaı kedergilerdi bılik naqty ári arnaıy oryndy belgileý kezinde eskerýi jáne olardyń aldyn alýy tıis. Eger mundaı buzýshylyqtar joıylsa, beıbit jınalysqa jekelegen qatysýshylardyń quqyqqa syıymsyz áreketterine baılanysty jınalysty toqtatýǵa bolǵyzbaý jáne beıbit jınalys barysynda densaýlyqty qorǵaýǵa arnalǵan jeke qorǵanys quraldaryn paıdalanýǵa ruqsat berý usynylady. Sonymen qatar zań jobasynyń jekelegen normalarynyń qurylymyn jetildirý maqsatynda túzetýler engizildi, – dedi Qanat Mýsın.
Májilis depýtattary bul zań jobasyna Senat engizgen ózgerister men tolyqtyrýlardy qoldap, daýys berdi.
