Jyl basynan beri kóp qabatty úılerdiń terezesinen 26 bala qulap ketken. Olardyń jartysy (12 oqıǵa) mamyrdyń aıyndaǵy 20 kún ishinde oryn alǵan. Úlkenderdiń qaraýsyz qaldyrýy saldarynan terezeden abaısyzda qulap ketetin balalardyń kóbi 2 men 8 jas aralyǵyndaǵylar.
Kóktemgi-jazǵy kezeńniń bastalýy, sondaı-aq koronavırýstyń taralýyna baılanysty turǵyndar páterlerdi jıi jeldete bastady. Karantın jaǵdaıynda balalar kóp ýaqyttaryn úıde ótkizedi. Al ata-analar men týystary úıden jıi shyǵyp ketedi nemese balalardyń belsendiligi men ár nársege qumarpazdyǵyn esten shyǵaryp, úı jumystarymen alańsyz aınalysady.
Balalar ashyq terezeniń qanshalyqty qaýipti ekenin bilmeı, jaqyn baryp oınaıdy. Qazirgi zamanǵy terezelerdiń balalardyń ózderi ashyp alýyna yńǵaıly ekenin este ustaý qajet.
IIM azamattardy qaýipsizdik erejelerin saqtaýǵa shaqyrady.
Balanyń terezeden nemese balkonnan qulaý qaýpin azaıtý árbir ata-ananyń qolynan keledi.
- Úıde kishkentaı bala bolsa, terezeni ashyq qaldyrmańyz.
- Terezeniń qorǵanyshy bolmasa moskıt torlaryn paıdalanbańyz.
- Balany, ásirese, terezeler men shyny esikterdiń janynda qaraýsyz qaldyrmańyz.
- Balanyń tereze aldyna shyqpaýy úshin terezeniń janyna jıhaz qoımańyz.
- Balalarǵa terezeniń janyndaǵy jıhazǵa nemese basqa tósekke sekirip oınaýyna jol bermeńiz.
- Balalarǵa qaýipsizdik sabaqtaryn úıretý mańyzdy. Úlken balalardy kishilerge qaraýǵa úıretý.
- Balalar bólmesiniń terezelerine kerek-jaraqtardy muqııat tańdańyz. Atap aıtqanda, kúnnen qorǵaý quraldary – jalıýzder men rýlondy perdeler jarqyraıtyn baýlar men tizbektersiz bolýy tıis.
-Abaı bolyńyz jáne saq bolyńyz! Esińizde bolsyn, balalardyń úıdegi qaýipsizdigine birinshi kezekte ata-analar jaýap beredi.
