«Májilis depýtattary maquldaǵan «Qazaqstanda beıbit jınalystardy uıymdastyrý jáne ótkizý tártibi týraly» zań jobasy – Prezıdenttiń saıası reformalary paketindegi basty bastamalardyń biri. Beıbit jınalystardy ótkizý erkindigi bizdiń eldiń Konstıtýsııasymen bekitilgen. Bul quqyq demokratııalyq qoǵamnyń negizgi elementteriniń biri retinde sanalady. О́zderińiz biletindeı, zań jobasy ártúrli qoǵamdyq alańda talqylanyp, jumys tobynyń otyrysy kóp jerde ótti. Parlamentte ÚEU ókilderiniń, ǵalymdar men sarapshylardyń qatysýymen ashyq túrde jáne keńinen talqylandy», - dedi Aıda Balaeva.
Onyń aıtýynsha, zań jobasyn ashyq talqylaýdyń arqasynda Parlament Májilisi men Senat qabyrǵasynda zań jobasy edáýir konseptýaldyq ózgeristerge ushyrady. Maquldanǵan jobalar halyqaralyq úzdik tájirıbelermen birge, bizdiń qoǵamnyń talaby men suranysyna saı keledi.
«Zań jobasynyń ázirlenýine belsendi atsalysqan depýtattar men azamattyq qoǵam ókilderine, Ulttyq qoǵamdyq senim keńesine alǵysymdy bildiremin», - dedi ol.
