Aımaqtar • 20 Mamyr, 2020

Atyraý: Teńiz kenishinde ahýal turaqtala ma?

1059 ret kórsetildi

Kesheden beri Teńiz kenishinde arnaıy komıssııa jumys istep jatyr. Bul komıssııa  ótken aptada Atyraýǵa arnaıy kelgen Premer-Mınıstrdiń orynbasary Eraly Toǵjanov júktegen tapsyrmalardyń  oryndalý barysyn tekserýde.

Arnaıy komıssııanyń quramynda Atyraý oblysy ákiminiń eki orynbasary, oblystyq departamentter men quqyq qorǵaý organdarynyń, «Teńizshevroıl» JShS-niń basshylary jáne oblystyń bas sanıtarlyq dárigeri, sondaı-aq, Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurqan Sádýaqasov ta bar.

Úkimet basshysynyń orynbasary E.Toǵjanov «Teńizshevroıl» JShS-niń merdiger mekemeleriniń qyzmetkeri emes tulǵalardy anyqtaý úshin Teńiz kenishindegi barlyq aýysymdyq lagerlerge tekseris júrgizýdi tapsyrǵan edi. Sonymen birge karantınge jabylǵan vahtalyq aımaqtarǵa kirip-shyǵýǵa blok-posttar ornatý, sanıtarlyq-dezınfeksııa rejımin saqtaýdy qamtamasyz etý júkteldi. Atyraý oblysynyń ákimdigi men «Teńizshevroıl» JShS-ne  algorıtm ázirleý,  egjeı-tegjeıli jospar daıyndaý,  qyzmetkerlerdi aýystyrý, ınfeksııa oshaqtaryn oqshaýlaý, sondaı-aq, ken ornyndaǵy jumysshylar arasynda qaýipti derttiń  taralýyn boldyrmaý,  ınfeksııany Atyraý qalasyna kirgizbeý tapsyryldy.

–Arnaıy komıssııanyń birinshi kúngi jumys qorytyndysymen TShO merdigerleriniń ornalasqan jerin anyqtaý josparyn qurý, karantındik aımaqtarǵa baqylaýsyz kirýge tıym salý, kezekshilikte turǵan adamdardyń sanyn anyqtaý, óndiris prosesine qatyspaıtyn adamdardyń ornyn tekserý, olardy shyǵarýdy uıymdastyrý týraly sheshim qabyldandy. Sondaı-aq qyzmetkerlerdi testileýden ótkizý kestesin de jasaǵan jón. Buǵan qosa,  sapaly epıdemıologııalyq tekseris qajet, dedi Atyraý oblysy ákiminiń orynbasary Baqytgúl Hamenova.

Atalǵan komıssııa músheleri birneshe kún boıy Teńiz kenishindegi jaǵdaıdy turaqtandyryp,  qyzmetkerler arasynda koronavırýs ınfeksııasynyń aldyn alý úshin birqatar naqty sharalardy qabyldaıtyn bolady.  Sonymen birge  komıssııa  vahtalyq merzimi aıaqtalǵan  qyzmetkerlerdi  turǵylyqty mekenjaıyna shyǵarýdy  jedeldetý josparyn ázirleıdi.  Ken ornynda birneshe kún buryn ashylǵan  230 oryndyq ınfeksııalyq stasıonardyń qyzmetine, karantındik ortalyqtardyń jaı-kúıine, indet juqtyrǵandarmen baılanysta bolǵandardy oqshaýlaý jumysyna, sanıtarlyq-epıdemıologııalyq normalardyń saqtalýyna monıtorıng júrgizetin bolady.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar