«Qylmysker álemniń kez-kelgen túkpirinde otyryp, aram oıyn júzege asyra alady. Ańqaý soltústikqazaqstandyqtar alaıaqtardyń quryǵyna OLX, Kolesa.kz saıttarynda ornalastyrylǵan jalǵan habarlandyrýlar, áleýmettik jelilerdegi jalǵan paraqshalar arqyly túsip jatady, qaskóıler ózderin satyp alýshymyn dep tanystyryp, satylýǵa tıisti zat úshin aldyn ala tólem jasaý úshin bank kartalarynyń nomerin suraıdy», – deıdi SQO Polısııa departamenti Krımınaldyq polısııa basqarmasynyń aǵa jedel ýákili polısııa kapıtany Vıtalıı Podchernın.
Budan keıin qaskóı satýshyǵa habarlasyp, telefonyna bankiden aqshanyń túskenin bildiretin kody bar SMS-habarlama keletinin jáne aqsha esepshotqa túsý úshin onyń nomerin rastaý kerektigin aıtady. Mundaıda keıde alaıaq ózin banktyń qaýipsizdik qyzmetiniń qyzmetkerimin dep tanystyryp, bireýler sizdiń esepshotyńyzǵa túskeli tur, ony buǵattaý úshin SMS-habarlamany rastańyz dep aldaıdy eken. Bul SMS-habarlamany basqan bolsańyz ol sizdiń esepshotyńyzdan aqsha urlaı alatyn kórinedi.
Krımınaldyq polısııa basqarmasynyń bastyǵy, polısııa polkovnıgi Petr Klımovtiń aıtýyna qaraǵanda alaıaqtyń qurbanyna aınalmas úshin eń bastysy saq bolý qajet, ınternette qarjy operasııalaryn júzege asyrǵan kezde asyǵystyq tanytpaı, ár qadamdy oı eleginen ótkizgen jón.
Internet-alaıaqtyń quryǵyna túsip qalǵan jaǵdaıda dereý polısııaǵa habarlasý qajet. Jyl basynan beri SQO-da ınternet-alaıaqtyqtyń 145 faktisi tirkeldi.
Soltústik Qazaqstan oblysy
