Keshe ǵana jeti adam jazylyp shyqty dep qýanyp otyr edik, búgin oblys ákiminiń baspasóz qyzmeti Qaraǵandy oblysynda taǵy da 13 adamǵa COVID-19 pandemııasynyń juqqanyn habarlady.
Aýyrǵandardyń basym bóligi Temirtaý qalasynan. 1963, 1978, 1981, 1992 jyldary dúnıege kelgen tórt er adam, 1976, 1983, 1993 jyldary týǵan úsh áıel jáne alty jastaǵy bala dertke shaldyqty.
PTR-zertteý dıagnozyn rastaǵan pasıentter qatarynda tórt qaraǵandylyq bar. Olar 1967, 1976 jyldary týǵan eki er adam, 1990 jylǵy áıel jáne bir jastaǵy bala. Sondaı-aq Saran qalasynda turatyn 1963 jylǵy áıel de ınfeksııalyq aýrýhanaǵa jatqyzyldy.
Qazirgi ýaqytta naýqastardyń jaǵdaıy qanaǵattanarlyq. Olarǵa qatysty bekitilgen hattamaǵa sáıkes emdeý júrgiziledi.
20 mamyrdaǵy jaǵdaı boıynsha, Qaraǵandy oblysynda 300 adamnyń KVI juqtyrǵany resmı túrde tirkeldi. Onyń ishinde úsh pasıent pandemııadan qaıtys boldy jáne 163 adam jazylyp, úı karantınine shyǵaryldy.
