Nur-Sultan qalasynyń 2019-2023 jyldarǵa arnalǵan jınaqy qurylysy jónindegi keshendi jospardy iske asyrý týraly qala ákimi A. Kólginov, turǵyn úı qurylysy, ınjenerlik jáne jol-kólik ınfraqurylymyn damytý týraly ındýstrııa jáne ınfraqurylymdyq damý mınıstri B. Atamqulov, elordany gazdandyrý týraly energetıka mınıstri N. Noǵaev, mektepter qurylysy týraly bilim jáne ǵylym mınıstri A. Aımaǵambetov, halyqty sýmen qamtamasyz etý jaǵdaıy týraly ekologııa, geologııa jáne tabıǵı resýrstar mınıstri M. Myrzaǵalıev, sondaı-aq jumystyń beıindi baǵyttary boıynsha ortalyq memlekettik organdardyń basshylary baıandama jasady.
Nur-Sultan qalasynda jınaqy qurylys salý jónindegi 2019-2023 jyldarǵa arnalǵan keshendi jospar 23 is-sharadan jáne 543 jobadan turady. Bıyl qalany gazdandyrýdyń I kezegin iske asyrý jumystary jalǵasady, atap aıtsaq, «Kóktal», «Jeleznodorojnyı», «Promyshlennyı» jáne «Ońtústik-Shyǵys» turǵyn úı alaptary, JEO-1, 2 rekonstrýksııalaý jáne JEO-3 qurylysy. Uzyndyǵy 15,1 shaqyrym bolatyn avtojoldardy, uzyndyǵy 84 shaqyrym ınjenerlik-kommýnıkasııalyq ınfraqurylymdy – elektrmen, jylýmen, sýmen jabdyqtaý, sý tartý jáne nóserlik káriz júıesi jelilerin salý jáne rekonstrýksııalaý jumystary aıaqtalady. Turǵyn úı alaptaryn damytý baǵdarlamasy boıynsha – abattandyrý, mektepter, emhanalar salý jáne t. b. jobalar iske asyrylady.
Búginde qalada 3 mln-nan astam m2 turǵyn úı salynyp jatyr. Jyl basynan beri 637 myń m2 paıdalanýǵa berildi. Bıyl 10 myń orynǵa shaqtalǵan 13 memlekettik mekteptiń qurylysyn aıaqtaý, sondaı-aq 2021-2022 jyldary paıdalanýǵa berýdi kózdeýmen 20 myń orynǵa shaqtalǵan 19 mekteptiń jobalyq-smetalyq qujattamasyn ázirleý josparlanǵan. Qosymsha 20 myń orynǵa shaqtalǵan 10 mektep MJÁ tetigi boıynsha salynady. Qurylystardy bıyl tamyz aıynda bastaý josparlanǵan, mektepter 2021 jyldyń 1 qyrkúıegine deıin paıdalanýǵa beriledi.
Otyrysqa qatysýshylar turǵyn úıdiń qoljetimdiligin arttyrý, áleýmettik nysandar qurylysy, kólik ınfraqurylymyn damytý, magıstraldy, oramishilik jáne aýlaishilik joldardyń jaǵdaıyn jaqsartý, qoǵamdyq qaýipsizdikti qamtamasyz etý, kóshelerdi, skverlerdi jáne basqa da jalpy qoldanystaǵy oryndardy jaryqtandyrý, kommýnaldyq qyzmetter usynatyn qyzmetterdiń sapasyn arttyrý, sondaı-aq tóńirekti damytý sekildi júıeli máselelerdi qarastyrdy.
Premer-Mınıstr qurylystardyń josparlanǵan kólemin qamtamasyz etýge, turǵyn úı, mektep jáne basqa da áleýmettik nysandardy paıdalanýǵa berýge, sondaı-aq qalanyń sýmen qamtý jáne abattandyrý problemalaryn sheshý qajettigine basa nazar aýdartty.
«Elorda qurylysy – Qazaqstannyń Tuńǵysh Prezıdenti – Elbasy Nursultan Ábishuly Nazarbaev júzege asyrǵan tarıhı joba. Memleket basshysy Qasym-Jomart Kemeluly Toqaev aldymyzǵa elordany damytý jóninde birqatar naqty mindetter qoıdy. Endi bizdiń basty mindetimiz – qalanyń turaqty damýyn qamtamasyz etý, onyń ınfraqurylymyn, syrtqy kelbetin jaqsartý. Elorda ómir súrý sapasynyń deńgeıi boıynsha barlyq óńirge úlgi bolýy tıis», - dedi A. Mamın.
