Aımaqtar • 21 Mamyr, 2020

Bıyl Shymkentte 300 shaqyrymnan astam jol jóndeledi

42 ret kórsetildi

Shymkent qalasynda jol qurylysy jumystary karantınge baılanysty toqtaǵan joq. Barlyq saqtyq sharalaryn oryndaı otyryp, qurylys kompanııalary óz jumystaryn merzimine saı júrgizýde. Bul týraly qala ákiminiń baspasóz qyzmeti habarlady.

Shahardaǵy jol sapasyn damytý maqsatynda 2020 jyly 256 obektide qurylys-jóndeý jumystaryna respýblıkalyq jáne jergilikti bıýdjetten 26,9 mlrd teńge qaraldy. Bul 417,3 shaqyrym jol men 7 kópir, 2 ótkel, 1 ońǵa shyǵý jáne 1 jol ótkelin qamtyp otyr. Nátıjesinde jyl sońyna deıin 240 nysandy, ıaǵnı, 314,7 shaqyrym jol men 6 kópir, 1 jol ótkelin paıdalanýǵa berý josparlanýda. Sondaı-aq «Jumyspen qamtýdyń jol kartasy» boıynsha 260 aıaldamany ornatýǵa 536,5 mln. teńge bólingen. Osy baǵdarlama aıasynda 3119 adam jumysqa ornalastyrylady, onyń 1621-i jumyspen qamtý ortalyǵy arqyly.
 
Qaladaǵy eń mańyzdy qurylysy júrip jatqan kóshelerdiń biri Respýblıka dańǵyly men Rysqulov kóshesi. Respýblıka dańǵylynyń jalpy uzyndyǵy – 5,3 shaqyrym, eni – 2h14m bolsa, nysannyń jalpy somasy – 2 394,0 mln.teńgeni quraıdy. Al, T.Rysqulov kóshesiniń jalpy uzyndyǵy – 4,2 shaqyrym, eni – 2h7m. Qurylys jumystary A.Baıtursynov pen Ál-Farabı kóshesi aralyǵynda júrgizilmek.
 
Budan bólek, Badam ózeni ústinen ótetin ótkel D.Qonaev dańǵylymen jalǵasady. 99 metrlik nysan mamyr aıynyń aıaǵyna deıin tapsyrylady dep kútileýde.
 
Jalpy Shymkent qalasyndaǵy avtomobıl joldarynyń uzyndyǵy 297 606 shaqyrymdy qurasa, onyń 56,5%-y qanaǵattanarlyq jaǵdaıda.
 
Shymkent 
Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar