Koronavırýs indeti adamzat úshin úlken synaqqa aınaldy. Sońǵy júz jylda alǵash ret barlyq elderdiń adamdary juqpaly aýrýdyń jappaı taralýy tek óz densaýlyǵyna ǵana emes, sondaı-aq ómirine de naqty qaýip tóndiretinine kóz jetkizdi. Áli tolyq zerttelmegen jáne qaýipti vırýspen teń emes kúreske birinshi bolyp dárigerler men medısına qyzmetkerleri tústi.
Jáne juqtyrý statıstıkasynda dárigerler indetke shaldyqqandardyń úshten bir bóligin quraýy múmkindigi belgili bolyp otyr. Qaýipti vırýstyń taralýy bizdiń medısına qyzmetkerlerimiz úshin basty qater bolyp otyr. Sebebi medısına qyzmetkerleri emdelýshilermen, onyń ishinde koronavırýs juqtyrýy múmkin naýqastarmen, turaqty baılanysta bolady. Iаǵnı, aýrýhanalarda qorǵanys zattaryna qajettilik joǵary bolǵandyqtan, olardyń tapshylyǵy paıda boldy. Sondyqtan SANTO kompanııasy densaýlyq saqtaý júıesiniń senimdi seriktesi bola otyryp, medısına qyzmetkerlerine qorǵaný quraldaryn jetkizýdi óz basymdyqtarynyń biri retinde tańdady.
SANTO kompanııasy Nur-Sultan, Almaty jáne Shymkent qalalarynyń medısına qyzmetkerlerine jeke qorǵanys quraldaryn (vızor maskalary, obaǵa qarsy kostıýmder, medısınalyq qolǵaptar men maskalar) jáne Shymkent qalasyndaǵy áskerı bólim úshin antıseptıkalyq quraldardy jetkizdi. Sondaı-aq kompanııa Shymkent qalalyq kardıologııalyq ortalyǵyna jáne Almaty ǵıbadathanalarynyń birindegi qarttar úıine dári-dármekterdi tapsyrdy.
«COVID-19 adamdardyń ómirin túbegeıli ózgertti. Vırýs Qazaqstannyń barlyq aımaqtaryna tarady. Memleket halyqty qorǵaýǵa barlyq kúsh-jigerdi jumsady jáne biz oń nátıjelerdi kórip otyrmyz. SANTO kompanııasy da shette qalmady jáne emdelýshilerdiń densaýlyǵyna jaýapty bola otyryp, barlyq qajetti sharalardy qabyldady, dári-dármek óndirisin jalǵastyrdy jáne óndiris kólemin arttyrdy. Barlyq elder ózin-ózi oqshaýlaýǵa tap bolǵan jaǵdaıda, Qazaqstan pasıentteriniń otandyq tıimdi jáne sapaly dári-dármektermen qamtamasyz etilýi óte mańyzdy. Sonymen qatar SANTO kompanııasy zamana batyrlaryna – dárigerler men medısına qyzmetkerlerine kómek retinde 100 000 AQSh dollaryn bóldi. Osylaısha, biz dárigerler men barlyq medısına qyzmetkerlerine alǵys bildirgimiz keledi. Olar adamdardyń ómirin saqtap, eldiń saýyǵýyna baryn salyp otyr. Búgin ózara kómek jáne bir-birimizge qoldaý kórsetý óte mańyzdy, kúsh biriktirgende ǵana vırýsty jeńe alamyz», - deıdi Santo kompanııasynyń bas dırektory Ijı Ýrbanes.
