ERG qyzmetkerleri úshin arnaıy jeńildetilgen nesıelendirý baǵdarlamasy ázirlengen. Onyń aıasynda ERG-diń Turǵyn úı baǵdarlamasy boıynsha Pavlodar, Aqsý, Ekibastuz ben Qaraǵandy qalalarynda salynǵan úılerden baspana alýǵa bolady.
– ERG úshin áleýmettik qamsyzdandyrý, sonyń ishinde qyzmetkerlerimizge, bizdiń «týǵan» qalalarymyzdyń turǵyndaryna degen qamqorlyq árdaıym negizgi basymdyq, – dedi Eýrazııalyq Toptyń basqarma tóraǵasy Serik Shahajanov. – Halyqqa qajetti osyndaı baǵdarlamalardy júzege asyrý bastamasynda bizdi qoldaǵan Turǵyn úı qurylys jınaq banki basshylyǵyna alǵys aıtamyz.
Osylaısha, «Qazaqstan alıýmınııi» AQ, «Qazaqstan elektrolız zaýyty» AQ, «Shubarkól kómir» AQ, «Qazhrom»TUK» AQ Aqsý ferroqorytpa zaýyty men «EEK» AQ «Shyǵys» kenishiniń qyzmetkerleri arnaıy shartpen jeńildetilgen nesıe ala alady. ERG kásiporyndarynyń qyzmetkerlerinen bastapqy jarna talap etilmeıdi.
–TQJB búginde qyzmetkerleri Qazaqstandaǵy 60 000 otbasyny asyrap otyrǵan alyp kompanııalar tobymen tyǵyz áriptestik ornatqanyna qýanyshty. Osy oraıda, biz ERG qyzmetkerleri tek bul baǵdarlamamen shektelmeı, bastapqy jáne buryn qoldanysta bolǵan baspanany satyp alýda «Nurly Jer», «О́z úıim», «5-10-20» syndy Turǵyn úı qurylys bankiniń basqa da baǵdarlamalaryn belsendi paıdalanady degen úmittemiz. ERG qyzmetkerlerine barynsha sapaly qyzmet kórsetip, alǵashqy kúnnen bizdiń vıdeobankimizdi, ınternet-bank pen TÚQJB24 qosymshalaryn paıdalana bastaýdy usynamyz, – dedi TQJB basqarma tóraıymy Lázzat Ibragımova.
Baǵdarlama sharttaryna saı, eger turǵyn úı áli salynyp betpegen bolsa, qyzmetker «TQJB» AQ-da depozıt ashyp, qazirden bastap ózi qalaıtyn baspananyń 30%-yn jınaı bastaýyna bolady. Al, úı paıdalanýǵa berilgen bolsa, ol birden baspanaly bolyp, úsh jyl boıy óziniń depozıtinde páteriniń 30% kóleminde bastapqy jarna jınaqtaýy kerek. Depozıtine 30% jınalǵan sátten bastap, ol páterdiń menshik ıesi atanbaq. Onyń ústine, bul somaǵa syıaqy men memlekettik syıaqy qatar qosylyp otyrady. Qyzmetker depozıtte baspana alýǵa qajetti qarajattyń 30%-yn jınaǵan soń, qalǵan somany nesıege ala alady. Jınaq páter qunynyń 50% jetkende, bereshektiń ústemesi tómendeıdi. Nesıe 15 jylǵa deıingi merzimge beriledi.
Qyzmetkerlerin baspanamen qamtý – ERG-diń áleýmettik saıasatynyń basym baǵyttarynyń biri.
ERG-diń Turǵyn úı baǵdarlamasynyń arqasynda 2006 jyldan beri Top kásiporyndarynyń Aqtóbe oblysy (Aqtóbe men Hromtaý q.), Qaraǵandy oblysy (Qaraǵandy q.), Qostanaı oblysy (Rýdnyı q.) jáne Pavlodar oblysyndaǵy (Pavlodar, Aqsý men Ekibastuz q.) 3 myńǵa tarta qyzmetkeri baspana jaǵdaıyn jaqsarta aldy.
ERG men «Báıterek» holdınginiń arasyndaǵy senimdi seriktestik tájirıbesi burynnan bar. Osyǵan deıin «Qazaqstan ıpotekalyq kompanııasy» AQ-men áriptestik aıasynda ERG kásiporyndary ornalasqan óńirlerde 9 turǵyn úı salynyp, jalpy sany 700-den astam páter berildi. Baǵdarlama 2018 jyly tabysty aıaqtalǵan bolatyn.
Odan soń da ERG turǵyn úı qurylysyn jalǵastyryp, 4 baspana salyndy. 467 otbasy qonys toıyn toılaǵan. Taǵy eki úıdiń qurylysy búginde aıaqtalýǵa jaqyn.
