Onda shaǵynaýdandaǵy skverler, ıaǵnı, «Kókjıek» yqsham aýdanyndaǵy №52 úıdiń boıyn, «Kókmaısa» yqshamaýdanyndaǵy Soltústik aınalma joly kóshesi men Serikov kósheleriniń, sondaı-aq, № 169 jáne № 171 balabaqshalardaǵy jóndeý jumystarynyń jobalary qaraldy.
Sonymen qatar, Jetisý aýdanynda «JJK» júzege asyrý jumystary 6 balabaqsha, 33 aýlanyń drenaj júıesin, 40 aýla aýmaǵyn jáne 12 jerústi jaıaý júrginshiler ótkelin, aryq jelisin jóndeý, sondaı-aq áskerı komıtet ǵımaratyn jóndeý jobalaryn qamtıdy. Budan basqa, jergilikti bıýdjet aıasynda Qazybaev kóshesindegi jaıaý júrginshiler aımaǵyn, 50 aýla aýmaǵyn jáne 9 skverdi jóndeý jumystary bastaldy.
Aǵymdaǵy jyly aýdanda «Jumyspen qamtýdyń jol kartasy» baǵdarlamasy boıynsha 10 joba qolǵa alynyp, 741 adam jumysqa ornalasatyn bolady. Odan bólek taǵy 11 joba jergilikti bıýdjet aıasynda júzege asyrylmaq.
B. Saǵyntaev «Jumyspen qamtýdyń jol kartasy» baǵdarlamasy jumyssyz qalǵan qala turǵyndaryna jumysqa ornalasýǵa múmkindik beretinin atap ótti. Qala aýmaǵyn abattandyrý máselesi sheshilýde. Almatyda osy baǵdarlama boıynsha barlyǵy 26 myń jumys ornyn qamtıtyn 214 jobany iske asyrý josparlanýda. Olardyń 13 myńy Jumyspen qamtý ortalyǵynyń joldamasy negizinde jumysqa ornalasady. Búginde bastalǵan jobalar boıynsha Jumyspen qamtý ortalyǵy arqyly qurylǵan jumys oryndaryna 1813 adam, onyń ishinde 404 - jas jumysqa ornalastyryldy.
Qala turǵyndaryn jumysqa ornalastyrýǵa járdemdesý maqsatynda halyqty Jumyspen qamtý ortalyǵy arqyly ózara is-qımyl júıesi quryldy. Sonymen, «JQJK» boıynsha jobalardy iske asyrý aıasynda Jumyspen qamtý ortalyǵynyń bazasynda tirkelgen jumyssyzdarǵa 50% jumys orny beriledi.
Aıta keteıik, bıylǵy jyldyń basynan beri Almatyda halyqty Jumyspen qamtý ortalyǵy arqyly turaqty jumysqa 4549 adam, ýaqytsha (qoǵamdyq jumystar, áleýmettik jumys oryndaryna) 3165 adam jumysqa ornalastyryldy. Kásip alýdy nemese biliktilikti arttyrýdy qajet etetin tulǵalar ónimdi jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde qysqa merzimdi kásiptik oqýdan óte alady.
