Taqyrypqa shyǵaryp otyrǵanymyzdaı, «Nur Otan» HDP Batys Qazaqstan oblystyq fılıalynyń tóraǵasy Nurlan Noǵaev oblystyq konferensııada Saıası doktrına jobasyna qatysty osyndaı anyqtama berdi. Sonymen birge, ol sońǵy ýaqytta saıası partııa bılik pen halyq arasyndaǵy kópirge aınalyp kele jatqanyn atap kórsetti.
Taqyrypqa shyǵaryp otyrǵanymyzdaı, «Nur Otan» HDP Batys Qazaqstan oblystyq fılıalynyń tóraǵasy Nurlan Noǵaev oblystyq konferensııada Saıası doktrına jobasyna qatysty osyndaı anyqtama berdi. Sonymen birge, ol sońǵy ýaqytta saıası partııa bılik pen halyq arasyndaǵy kópirge aınalyp kele jatqanyn atap kórsetti.
Kezekten tys konferensııada oǵan qatysýshylar Saıası doktrına jobasyna qatysty óz oı-pikirlerin ortaǵa saldy. Biz tómende sonyń birqataryn oqyrmandar nazaryna túıindep bergendi jón kórdik.
Murat Sydyqov, oblystyq tarıh jáne arheologııa ortalyǵynyń dırektory: – Doktrına nege osy kezge deıin qabyldanbady dep júrgender bar. Ár istiń de pisip-jetiletin ýaqyty bolady. Biz sol kezge endi kelip otyrmyz. Naqty aıtqanda, ol – «Qazaqstan 2050» Strategııasy ıdeıalaryna nár, qýat beretin taptyrmas tetik. Doktrınanyń halyqtyq sıpaty men máni óte joǵary. Bul jóninde aıtylyp ta, jazylyp ta júr. Buǵan qosarym, Doktrına jobasyna memleketimizdegi demografııalyq ahýaldy tereńdetý jáne jas otbasylardy qoldaý jóninde arnaıy tarmaqtar engizilse eken.
Dáýletjan Jaqsybaev, Aqjaıyq aýdandyq máslıhatynyń hatshysy: – XV sezde qabyldanatyn partııanyń basty qujatyna esh ýaqytta mánin joımaıtyn táýelsizdik talaptary tin bolyp enýin qalaımyz. Bizdiń qoǵamda ádiletsizdik pen keleńsiz kórinisterge jáne ar-ojdan tazalyǵyna qatysty kúres búkilhalyqtyq sıpat alsa, memleketimizdiń bolashaǵy da soǵurlym jarqyn bolmaq. Sondyqtan da Saıası doktrınada bul máselelerge tereńirek mán berilýin qalaımyn.
Buǵan qosa, konferensııada Jańaqala aýdanynyń ákimi Lavr Haıretdınov Saıası doktrına jobasy «Qazaqstan 2050» Strategııasyn qoldaý men iske asyrýdyń jalpyulttyq jobasy bola alatyny jóninde oı sabaqtady. Al Oral qalalyq máslıhatynyń depýtaty Lıana Tursynova Doktrına jobasyna qatysty talqylaýlar tek «Nur Otan» músheleri arasynda ǵana emes, sonymen birge, ózge qarapaıym turǵyndar arasynda da ótkizilgenin, ári atalǵan qujat olardyń tarapynan qoldaý tapqanyn aıtyp berdi.
Konferensııaǵa «Nur Otan» HDP Saıası keńesiniń múshesi, Parlament Májilisiniń depýtaty Romın Mádınov qatysyp, sóz sóıledi.
Konferensııada partııanyń XV sezine delegattar saılandy.
Temir QUSAIYN,
«Egemen Qazaqstan».
Batys Qazaqstan oblysy.
