Syrttaı atyn estigeni bolmasa, buǵan deıin júzdespegen juraǵattarǵa tanystyrýdyń sáti túse qalǵanda: «Balalar ádebıetiniń kókjıegin keńitken álem klassıkterinen aǵaıyndy Grımmdi, Andersendi, orys aqyn-jazýshylarynan Kassıldi, qazaq qalamgerlerinen Jaqan Smaqov pen Berdibek Soqpaqbaevty oqyp pa ediń?» dep surap alamyn da, kózi qaraqty, kókiregi oıaý azamat ekenin bilgen soń: «Onda bul – qazaq balalar ádebıetiniń qazirgi kórnekti ókili Sháken Kúmisbaev deıtin jazýshy bolady», dep tanystyramyn qalamger aǵamdy. Jer ortasy jastan áldeqashan assa da, jabyqtan syǵalaǵan jeti jasar baladaı uıań minezinen tanbaǵan áriptesim ondaıda qos qolyn birdeı sermelegen kúıi: «Qoıshy-eı, seniń-aq qaljyńyń qalmaıdy eken», dep azar da bezer kúıgelektene bastaıdy. Asyra maqtasam da aqıqattan attamaǵanymnyń dáleli retinde bir-jar mysaldar keltirip, tyńdaýshynyń ǵana emes, Sháken dosymnyń ózin ılandyrǵandaı bolamyn.
Syrttaı atyn estigeni bolmasa, buǵan deıin júzdespegen juraǵattarǵa tanystyrýdyń sáti túse qalǵanda: «Balalar ádebıetiniń kókjıegin keńitken álem klassıkterinen aǵaıyndy Grımmdi, Andersendi, orys aqyn-jazýshylarynan Kassıldi, qazaq qalamgerlerinen Jaqan Smaqov pen Berdibek Soqpaqbaevty oqyp pa ediń?» dep surap alamyn da, kózi qaraqty, kókiregi oıaý azamat ekenin bilgen soń: «Onda bul – qazaq balalar ádebıetiniń qazirgi kórnekti ókili Sháken Kúmisbaev deıtin jazýshy bolady», dep tanystyramyn qalamger aǵamdy. Jer ortasy jastan áldeqashan assa da, jabyqtan syǵalaǵan jeti jasar baladaı uıań minezinen tanbaǵan áriptesim ondaıda qos qolyn birdeı sermelegen kúıi: «Qoıshy-eı, seniń-aq qaljyńyń qalmaıdy eken», dep azar da bezer kúıgelektene bastaıdy. Asyra maqtasam da aqıqattan attamaǵanymnyń dáleli retinde bir-jar mysaldar keltirip, tyńdaýshynyń ǵana emes, Sháken dosymnyń ózin ılandyrǵandaı bolamyn.
Rasy sol, kúndelikti kúıbeń tirlikte «qolda ósken atannyń taılaq aty qalmaıdy» deıtin qazaqshylyqtan asa almaımyz da, talant ıeleriniń móldir de taza shyǵarmalaryn, qalamgerligin bylaı qoıǵanda, zamanyna qaraı qoǵamǵa, óz ortasyna, ádebıet pen mádenıet salalarynyń kókjıegin keńeıtýge qosqan eńbekterin baǵalaı bermeımiz. Osyndaıda Ábdijámil Nurpeıisovtiń: «Talantty taný úshin de talant kerek», degen maǵynaly sózi eske túsedi.
Bul oıǵa oralyp otyrǵanym, osydan 10-15 jyl buryn, ıaǵnı balalar ádebıeti ǵana emes, jalpy rýhanı dúnıeniń jutań tartqan tusynda qasyna Sultan Qalıev pen Arasanbaı Estenovti qosyp alyp, balalar ádebıetiniń kóshin túzetý, urpaqqa qajetti móldir shyǵarmalardy qaıta jandandyra jazǵyzý, jańǵyrtý maqsatynda kásipker inimiz Baýyrjan Ospanovtyń tabaldyryǵyn Sháken baryp attamasa, tileýińdi bergir Baýyrjan da syrt aınalyp ketpeı, qamqor qolyn sozýǵa ázir ekenin bildirmese, áı, qaıdam, búgingi órisimizdiń ózinen jańylyp qalarymyz haq edi. Sebebi, memlekettik tapsyrysty bylaı qoıǵanda, demeýshilik kórsetip júrgen birqatar qaltaly azamattardyń ózi de «balalar ádebıeti» dese bolǵany, oǵan mensinińkiremeı qaraıtyn kún týǵan edi. Sodan baryp jalpy ádebıettiń inisindeı kóringen balalar ádebıetiniń tizginin ustaǵan aqyn-jazýshylar kitaptaryn shyǵarýdy bylaı qoıǵanda, merzimdi baspasóz betterinen de sırek kórine bastaǵan bolatyn. Sony der kezinde ańǵarǵan, bóbekterge arnalǵan ádebıetti qaıta jańǵyrtýǵa qatysty sharalardy jan-jaqty oılastyrǵan Sháken Kúmisbaev tyńnan jol tapqandaı áıteýir balalar ádebıetin nasıhattaýdyń, oǵan búkil aqyn-jazýshylardy qatystyrýdyń, birte-birte ony halyqaralyq deńgeıge shyǵarýdyń birden bir jolyn tapqandaı boldy.
Osylaısha, «Jer-sý» korporasııasynyń tikeleı demeýshiligimen Sháken bastaǵan azamattar balalar ádebıetine báıge jarııalap, aqyn-jazýshylardy aıtpaǵanda, qolyna qalam ustaǵan búkil qazaq qalamgerlerin alaman jarysqa qosty da jiberdi. Úmit aqtaldy. Jazǵan-syzǵandaryn «Baldyrǵan» jýrnaly men «Ulan» gazetinde ǵana shyǵarý múmkindiginen aspaǵan, tipti, soǵan da keıbireýleriniń qoldary jete almaı júrgen úlken-kishili aqyn-jazýshylardyń barshasy keıinirek «Daraboz» dep atalǵan báıgege óz shyǵa
