Qýaty kúshti Amfan sıklony saldarynan Úndistannyń Kalkýtta qalasynda aǵashtar qulap, úıler tolyǵymen qıraǵan. Joldardy sý basyp, 14 mln halyq elektrsiz qalypty.
Jeldiń jyldamdyǵy saǵatyna 185 shaqyrymǵa deıin jetken. Jaǵalaýdaǵy aýdandarda tolqynnyń bıiktigi birneshe metrdi quraǵan. Bul sońǵy 15 jyldaǵy eń surapyl daýyl sanalady.
Belgili bolǵandaı, eki eldiń 3 mıllıon turǵyny qaýipsiz jerge kóshirildi. Keıbir turǵyndar koronavırýs indetine baılanysty evakýasııadan bas tartqan. Sebebi qazir kóptegen ýaqytsha baspana bolatyn ortalyqtarda koronavırýs naýqastary jatyr. Sol sebepti adamdardy qaýipsiz jerge kóshirý kezinde qıyndyqtar bolǵan.
