Aımaqtar • 22 Mamyr, 2020

Atyraýda sabaqqa qatyspaǵan balanyń ákesi eki kúnge qamaldy

191 ret kórsetildi

Balasy betimen ketse, ákeniń tartar azaby az emes. Máselen, Dossor kentinde turatyn otbasynyń kolledjde oqıtyn uly aqpan aıynda esh sebepsiz sabaq qatyspaı júrgen. Alaıda, erinshek bala sabaqqa qatyspaǵanyna dálel bola alatyn anyqtama usynbapty. 

Árıne,  ustazdary oǵan birneshe ret eskertý jasapty. Soǵan qaramastan sabaqtan qalýyn jalǵastyra beripti. Sóıtip, aqpannyń 12 kúniniń sabaǵyna qatyspaǵany anyqtalyp otyr. Ulynyń bul áreketi úshin ákesine sot aldynda jaýap berýine týra keldi.  

Bul is Atyraý oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynda «TrueConf» mobıldi qosymshasyn qoldaný  arqyly  qaraldy. О́ıtkeni, kámeletke tolmaǵan balanyń ákesi  bir jyl buryn buryn ákimshilik jazaǵa qoldanylsa da tárbıe men bilim berý jónindegi mindetin oryndamaı kelgen. Sol sebepten, onyń isi Qazaqstan Respýblıkasynyń Ákimshilik quqyqbuzýshylyq týraly Kodeksiniń 127-babynyń 2-bóligin buzǵan bolyp sanaldy.

–Sot otyrysynda quqyq buzýshyǵa  kinásin moıyndamasqa amal qalmady.  Sot qaýlysymen kámeletke tolmaǵan jasóspirimniń ákesine eki táýlikke ákimshilik qamaqqa alý jazasy taǵaıyndaldy, - dep habarlady oblystyq sottyń baspasóz qyzmeti.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar