Elektrondy qoltańbadan keıingi orynda turǵan qyzmet túri - kólik quraldaryn tirkeý. Eki apta ishinde qostanaılyqtar 3347 avtokólikti tirkeýge qoıǵan.
– Aımaq turǵyndary jyljymaıtyn múlikti tirkeý qyzmeti boıynsha da belsendilik tanytyp otyr. Búginge deıin 2388 qujat resimdeldi. Sondaı-aq 1621 adam júrgizýshi kýáligin aldy, - deıdi «Azamattarǵa arnalǵan úkimet» memlekettik korporasııasynyń» oblystaǵy fılıalynyń PR-menedjeri Iаroslava Bogatyreva.
Iа. Bogatyrevanyń aıtýynsha, qazir Qostanaı qalasynyń halyqqa qyzmet kórsetý ortalyqtary jańa jumys formatyna kóshken. Halyqqa qyzmet kórsetý ortalyqtarynda burynǵydaı elektrondyq qyzmet kórsetilmeıdi. Olardy elektrondyq úkimet portaly arqyly keńseden nemese úıden, sondaı-aq ózine-ózi qyzmet kórsetý sektorlarynan alýǵa bolady. HQKO-da qyzmet tek qaǵaz túrinde kórsetiledi, sondaı-aq egov.kz-ke aldyn-ala tapsyrys berilgen qyzmetter boıynsha daıyn qujattar paketi beriledi.
Qostanaı oblysy
