Seriktestik qazynadan bólingen qomaqty qarjyǵa «Boran Boıler» kompanııasynan blokty-modýldi jylý qurylǵysyn satyp alyp, ony jańa salynyp jatqan shaǵyn aýdanǵa ákelip, ornatýy tıis eken. Alaıda «TeploEnergoStroı» basshysy B. Shektibaev jobalyq-smetalyq qujatty aınalyp ótip, «Boran Boılerdi» montaj jumystary aıaqtalǵan soń, nysandy ótkizetin kezde ornatamyz degen jeleýmen, qymbat turatyn blokty-modýldi jylý qurylǵysynyń ornyna qarapaıym stasıonarlyq jylý qurylǵysyn qoıýdy uıǵarady.
2019 jyldyń qarasha aıynan bastap buǵan sybaılas jemqorlyqqa qarsy kúres qyzmeti aralasa bastaǵan. Nátıjesinde, jylý qazandyǵynyń qurylysyna qajet qurylǵynyń jetkizilmegeni jáne merdigerdiń moınyna júktelgen jumys aýqymynyń tolyq oryndalmaǵany áshkerelenip, memleketke 83 mln 698 400 teńge zııan kelgeni anyqtalady. Kásipker alǵashqyda qazyna qarjysyn jymqyrý týraly oı úsh uıyqtasa túsine kirmegenin aıtyp aqtalǵan. Biraq keıinirek óz áreketiniń zańǵa qaıshy ekenin túsingen ol memlekettik satyp alý kelisimshartynyń talaptaryn tolyq oryndap, qymbat qurylǵyny satyp ákelip ornatqan.
Sybaılas jemqorlyqqa qarsy kúres qyzmetiniń aralasýymen merdiger memleketke keltirgen zııannyń ornyn toltyrdy. Osylaısha, oblystyq bıýdjetten jymqyrylmaq bolǵan 83 mln teńgeden astam qarjy óz ornyna qaıtyp keldi. Bizdiń basty mindetimiz – quqyq buzǵandardyń bárin temir tordyń ar jaǵyna toǵyta berý emes. Basty maqsat - azamattardyń quqyǵy men erkindigin qorǵaı otyryp, qylmystyń aldyn alý. Bul joly memleket pen azamattyń, atap aıtqanda kásipkerdiń arasynda sapaly ári túsinikti áńgime órbip, memleket qarjysynyń qymqyrylýyna jol berilgen joq, - dedi sybaılas jemqorlyqqa qarsy is-qımyl departamenti basshysynyń birinshi orynbasary Danııar Smaǵulov.
Qostanaı oblysy
