Sonymen qatar, elordada betperde taǵý rejıminiń saqtalatynyn esterińizge túsiremiz. Jolaýshylarǵa qoǵamdyq kólikke betperdesiz kirýge bolmaıdy. Bir adamnyń kesiri, onyń óz densaýlyǵyna jáne jaqyndaryna áser etetinin kóbi túsinedi dep oılaımyn. Sol sebepti bizdiń turǵyndarymyzǵa «qoǵamdyq kólikte betperde taǵyńyz jáne avtobýs ishinde ony sheshpeńiz» deımiz», - dedi ol.
Betperde taǵý rejımi avtobýstardyń shyǵarylý kúninen saqtalyp keledi. Kóliktik baqylaý departamentiniń qyzmetkerleri jolaýshylarda betperdeniń bar-joǵyn kúndelikti tekserip, túsindirý jumystaryn júrgizip júr. Oǵan qosa júrgizýshilerge avtobýs ishin 50% ǵana toltyrý tapsyrmasy qoıyldy. Jolaýshylar tek aldyńǵy esik arqyly kiredi.
Karantındik sharalardyń engizilýinen bastap, jol júrý aqysy tek qolma-qol aqshasyz jasalady. Kóliktik karta, SMS/QR jáne mobıldik qosymsha arqyly. Bul jerde aıta ketetin jaıt, SMS/QR tólem sany ulǵaıdy. Baǵyttardyń lınııaǵa shyqqan kúninde, 12 mamyrda 36 335 bolsa, 21 mamyrda – 73 925.
Jolaýshylar sany kún sanap ósip keledi. 21 mamyrda – 309 176 qurady. 22 mamyrda – 146 907.
