Mańǵystaýda bıyl 6365 oqýshy mektep bitiredi. Onyń ishinde 5931-i kúndizgi mekteptiń, 434-i keshki mekteptiń túlekteri.
Pandemııa jaǵdaıyna baılanysty bıyl 9 jáne 11-synyp bitirýshi túlekterine arnalǵan qorytyndy attestattaý ótkizilmeıdi. Mektep bitirgendigi týraly attestattarǵa 4 toqsannyń jyldyq baǵalary qoıylady.
11-synypta 206 oqýshy «Altyn belgige», 326 oqýshy «Úzdik attestatqa» úmitker.
Qazaqstan Respýblıkasynyń orta bilim berý uıymdaryndaǵy «Birgemiz: TÚLEK-2020» taqyrybyndaǵy mektep bitirý is-sharasynyń tujyrymdamasyna sáıkes:
- 22 mamyr saǵat 11.00-de - «Balapan», «Elarna» telearnalarynda 11-synyp túlekterine kásiptik baǵdar berý týraly biryńǵaı telesabaq;
- 25 mamyr saǵat 11. 00-de - telearnalarda Qazaqstan Respýblıkasy Bilim jáne ǵylym mınıstriniń quttyqtaýy kórsetiledi;
- «Sát sapar, jas túlek!», «Ustazdarǵa myń alǵys», «Mektep-bilim ordasy», «Kóńildi jazǵy demalys» (úzdik muǵalimder týraly, oqýshylardyń jetistikteri týraly, óńirdegi eń úzdik bilim berý jobalary týraly jáne t.b.) syndy bilim máselelerine arnalǵan sıýjettik jeli uıymdastyrylady;
- 25 mamyr kúni 1-10 synyptarǵa sońǵy qońyraýǵa arnalǵan onlaın-synyp saǵaty ótkiziledi. Oǵan qamqorshylyq keńesterdiń múshelerin, aımaqtyń tanymal tulǵalaryn, elimizdiń jáne álemniń úzdik ýnıversıtetterinde bilim alyp jatqan jetistikke jetken mektep túlekterin, bıznes ókilderin jáne memlekettik qyzmetshilerdi qonaq retinde shaqyrylady.
- Mektep bitirý sharalary ár synypta bólek, mektep alańynda, ashyq aýada ótkiziledi;
- Túlekter is-sharaǵa mektep formasymen qatysady;
- Mektep ákimshiligi mektep bitirý keshterin ótkizý kúnderi tártip buzýshylyqqa jol bermeý sharalaryn qabyldaıtyn bolady., degen talaptar qoıylady.
