Búgin qala ákimi Baqytjan Saǵyntaev «Nurly jer» baǵdarlamasy aıasynda salynyp jatqan turǵyn úıler qurylystarynyń qarqynymen jáne Almatynyń Naýryzbaı aýdanyndaǵy áleýmettik maqsattaǵy nysandardyń qurylysymen tanysty.
Jumys sapary barysynda B. Saǵyntaev 1440 páterli 20 úı qurylysynyń alǵashqy kezeńi salynyp jatqan «Shuǵyla» turǵyn kesheniniń qurylys alańynda boldy. «Nurly jer» baǵdarlamasy boıynsha ınjenerlik kommýnıkasııalar júrgizildi.
Qala ákimi qurylys jumystarynyń sapasymen kórip, áleýmettik ınfraqurylymdardyń qadamdyq qoljetimdiligine, aýmaqty abattandyrý men kógaldandyrýǵa aıryqsha nazar aýdarýdy tapsyrdy. Qalanyń batys bóliginde turǵyn úı qurylysy kóleminiń artýyna oraı joldardyń ótkizý qabiletin josparlaýǵa qatystysty bólek tapsyrma berildi.
«Jaıly jaǵdaı jasaý – «Shetsiz qala» qaǵıdatynyń basty maqsaty, onyń aıasynda kommýnaldy ınfraqurylymdardy jáne aımaqtardy abattandyrý boıynsha aýqymdy modernızasııalaý bastaldy», -dedi qala ákimi.
Eske salsaq, ótken jyldyń sońynda «Shuǵyla» TK turǵyndarynyń ótinishi boıynsha paıdalanýǵa berilgen 14 úıge gaz berilgen edi, sol jyldyń qarasha aıynda osy turǵyn kesheniniń taǵy 16 úıine gaz tartyldy. Sonymen qatar aýlalar abattandyryldy.
Aýdanda shamamen 1,5 myń oqýshy orny jetispeıdi. Aǵymdaǵy jyldyń sońynda búgingi kúni júktemesi eki ese artqan №186 mekteptiń janynan 600 oryndy qosalqy nysan salý josparlanǵan. Sonymen qatar, «Qalqaman» yqsham aýdanynda 1200 oryndy jáne «Shuǵyla» yqshamaýdanynda 1500 oryndy mektepter salý josparlanǵan. «Aqjar» jáne «Taýsamaly» yqshamaýdandarynda árqaısysy 120 oryndy bala baqshalardy kúzde paıdalanýǵa berý josparlanǵan. Bıznestiń áleýmettik jaýapkershiligi aıasynda zamanaýı sport jáne balalardyń oıyn alańdary salyndy.
