• 28 Qyrkúıek, 2013

Gran-prı. Qazaqstan dzıýdoshylary qarsylastaryn anyqtady

252 ret

kórsetildi

1 mın

oqý úshin

Egemen Qazaqstan

26-09-13-dziydo-1

Búgin Almatyda bastalǵan dzıýdodan álemdik Gran-prı jarysynyń jerebesi tartyldy. Oǵan sáıkes, Qazaqstan quramasynyń 100 kıloǵa deıingi salmaqtaǵy lıderi Maksım Rakov birinshi aınalymdy jiberetin boldy. Al ekinshi aınalymda reseılik Stanıslav Gasın men jerlesi Darhan Temirhanovtyń qaı jeńgenimen kezdesedi. Jerebe basqa da birqatar qazaqstandyqtarǵa oń kózimen qarady. Osylaısha jaqynda ótken álem chempıonatyna qatysyp qaıtqan Ashat Telmanov pen Eldos Smetov (60 kg), Islam Bozbaev (90 kg) birinshi aınalymda bos bolady. Al Brazılııada ótken jahandyq jarysta besinshi oryn alǵan Dastan Yqybaev (73 kg) birinshi aınalymda belorýs Vadım Shokpen ustasady. Sol sııaqty Erjan Shynkeev AQSh atynan kúresetin Akbarjan Imınovpen beldesedi. Qyzdar arasynda London Olımpııalyq oıyndaryna qatysýshy Aleksandra Podrıadova (48 kg) jartylaı fınalǵa shyǵý úshin qyrǵyz Aızada Janalıevamen kúsh synasady. 78 kıloǵa deıingi salmaqta Qazaqstan quramasynyń lıderi Gúljan Isanova jartylaı fınaldan bastap shaıqasqa qosylady. Aıta keteıik, Almatydaǵy Gran-prı beldesýleri eki kúnge sozylady. Ol 28-29 qyrkúıek kúnderi Balýan Sholaq atyndaǵy sport saraıynda ótedi. Rýslan Igilik.