Aqmola oblysynyń Selınograd aýdanynda koronavırýs ınfeksııasyn juqtyrǵan 1 adam anyqtaldy. Ol Nur-Sultan qalasynda vırýsty juqtyrǵan adammen jaqyn qarym-qatynasta bolǵan 1990 jylǵy er adam.
Qonaq shaqyrǵannyń saldarynan 2012 jylǵy qonaq bolyp kelgen bala koronavırýsty juqtyrǵan. Arshaly aýdanynyń Jibek joly aýylyndaǵy páter ıesiniń qyzynan da COVID-19 vırýsy tabyldy.
Qazirgi ýaqytta úsheýi de juqpaly aýrýlar stasıonaryna jatqyzylǵan.
Taýarlar men kórsetiletin qyzmetterdiń sapasy men qaýipsizdigin baqylaý komıtetiniń mamandary vırýsty juqtyrǵan adamdarmen baılanysta bolǵan adamdardy anyqtaý úshin sanıtarlyq-epıdemıologııalyq tergeý jumystary júrgizilip jatyr. Anyqtalǵan aýrý oshaqtarynda epıdemııaǵa qarsy sharalar júrgiziledi.
О́tken táýliktegi jaǵdaı boıynsha oblysta vırýsty juqtyrǵan 145 adam anyqtalǵan, olardyń 127-si Selınograd aýdanynda, qalǵan naýqastar Kókshetaý qalasynda jáne Aqkól, Arshaly, Egindikól, Shortandy aýdandarynda anyqtalǵan.
