Aımaqtar • 23 Mamyr, 2020

Karantınde tıgizgen kómek umytylmaıdy

17 ret kórsetildi

SQO-daǵy Ǵabıt Músirepov aýdanynyń Chervonnoe aýyly oblystaǵy koronavırýstyq ınfeksııa oshaqtarynyń birine aınalǵan. Osy  shaǵyn aýyldan ǵana mamyr aıynda 3 ınfeksııa juqtyrǵan adam tabyldy. Olar úsheý ǵana bolǵanymen juqtyrýshylar kóp bolatyny belgili. Al aýyl turǵyndaryna qaladaǵydaı qatań karantındik talap ornata almaısyń. Bir-birin jaqsy biletin turǵyndar indetti elemeı, rejimdi saqtamaı júre beredi. Osy jaǵdaıdy eskerip oblystyq Polısııa departamentiniń basshylyǵy jedel qımyldaıtyn arnaıy jasaqtyń on qyzmetkerin aýdandyq polısııa bólimine kómekke jibergen edi.

Olar aýdan polıseılerimen jáne medısına qyzmetkerlerimen birge blok-beketterde qyzmet etip, eldi mekendi patrýldeýge qatysyp, oqshaýlanýdy saqtaý qajettiligin túsindirip jáne onyń oryndalýyn qamtamasyz etti. 15 kún boıy osyndaı tártip ornatylǵan soń indet taramaı, oshaǵy bolǵan turǵyndar emdelip jatty.

Aýyldy oqshaýlaý aıaqtalǵannan keıin aýdan ákimi Aǵzam Tastemirov pen aýdandyq polısııa bóliminiń bastyǵy Aıdos Ydyrysov kórsetken kásibı sheberlikteri men kómekteri úshin jedel toptyń múshelerine alǵys bildirdi. Aýdan ákimi Aǵzam Ahmetjanuly óziniń sózinde: «Biz sizderdiń aýdan turǵyndarynyń qaýipsizdigin qamtamasyz etýge qosqan úlesterińizdi joǵary baǵalaımyz. Karantındik shekteýlerdi qatań saqtaǵannyń arqasynda qaýipti indettiń taralýyna jol berilmedi», dedi ol. Jedel top múshelerimen qatar polısııa bólimi bastyǵynyń orynbasary Rýslan Birjanov, ýchaskelik polısııa ınspektorlary Dáýrenbek Moldahmetov, Dmıtrıı Smola, aǵa Danııar Sáýlenbekov, jedel ýákil Aıdarhan Sharshenov te marapattaldy.

Soltústik Qazaqstan oblys

Ǵ.Músirepov aýdany

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar