«Qurmetti dostar! Barshańyzdy qasıetti Oraza aıt merekesimen quttyqtaımyn!⠀
Bul – Ramazan aıynyń aıaqtalǵanyn bildiretin, búkil álem musylmandary úshin qasterli sanalatyn eń ulyq meıramdardyń biri. Osy kúnderi tatýlyq, qaıyrymdylyq, meıirimdilik sııaqty izgi qasıetter keńinen dáripteledi. Otyz kún boıy oraza tutqan jandar bir-birine ıgi tilekterin arnap, qýanyshty kúıge bólenedi. Sondyqtan aıt merekesin jaqsylyqtyń jarshysy deýge tolyq negiz bar.⠀⠀
Bıyl Ramazan aıy koronavırýs indetiniń taralýymen tuspa-tus keldi. Degenmen, bul jaǵdaı Qazaqstan musylmandaryn esh jasytqan joq. Qaıta halqymyzdyń yrys-yntymaǵy odan ári arta tústi. О́ıtkeni oraza qazirgideı kúrdeli kezeńde adamzatty bereke men birlikke, sabyrlyq pen tózimdilikke úndeıdi. Osyndaı asyl qasıetterdiń arqasynda biz qaýipti dertti aýyzdyqtap, barlyq qıyndyqty birlesip eńseremiz dep senemiz.⠀
Sizderdi osy merekemen quttyqtaı otyryp, ustaǵan orazalaryńyz ben tilegen duǵa-tilekterińiz qabyl bolsyn degim keledi. Aıdan aıǵa, jyldan jylǵa aman-esen jete bereıik. Ulyq meıram ár shańyraqqa shattyq pen baq-bereke ákelsin! Aıt múbárak bolsyn!» delingen quttyqtaýda.
