Bul árıne, barshany alańdatary daýsyz. Oblystyń bas sanıtarlyq dárigeri Temirbek Musaǵalıev karantın merzimin uzartý týraly qaýlyǵa qol qoıdy.
– Atyraý oblysy aýmaǵynda shekteý sharalary, Atyraý qalasy, Jylyoı aýdany, Maqat aýdany, Maqat kentinde karantın rejımi 2020 jylǵy 8 maýsym saǵat 07:00-ge deıin cozylsyn. 2020 jylǵy 25 mamyr saǵat 07:00-den 8 maýsym saǵat 07:00-ge deıin Atyraý oblysynyń jedel shtabymen bekitilgen blok-posttardy kesip ótý erejelerinde kórsetilgen jaǵdaılardan tys, Atyraý qalasynyń karantındik aımaqtaryna kirip-shyǵýǵa tyıym salynsyn, - delingen qaýlyda.
Sondaı-aq saǵat 23:00-06:00 aralyǵynda Atyraý qalasynda, saǵat 21:00-06:00 aralyǵynda Jylyoı aýdanynda, saǵat 20:00-6:00 aralyǵynda Maqat aýdanyndaǵy Maqat kentinde azamattar men kólikterdiń qozǵalysyna jappaı tyıym salynyp otyr.
