Kóteriliske tyıym salatyn zań Gonkongtyń zań shyǵarýshylaryn aınalyp ótpek. Sarapshylar Beıjiń Gonkongke bergen Qytaıdyń basqa jerinde kezikpeıtin bostandyqqa qatysty ýádesin buzdy deıdi. Demokratııa jaqtastary Gonkong avtonomııasy buzyldy dep, halyqty kóteriliske shaqyrýda. Juma kúni Gonkongtaǵy Qytaı ulttyq úkimetiniń baılanys ofısiniń aldyna bir top narazy jınalyp, aksııa ótkizdi. Gonkong ákimshiligi Beıjińmen birge zańdy qaıta qarap, qalanyń bostandyǵyna áser etpeıtin ózgertýler engizetinin málimdedi.
Zań jobasy jyl saıynǵy Ult ókilderiniń kongresinde tanystyryldy. Jobanyń ózinde kommýnıstik bıliktiń sheshimderi kórinip turdy. Gonkong Qytaıdyń jartylaı avtonomdy ári ekonomıkalyq mańyzdy bóligi ekeni belgili. 1997 jyly Brıtanııadan Qytaıǵa ótken kezde qaýipsizdik jóninde zań qabyldaýǵa májbúr boldy. Al byltyrǵy Gonkong turǵyndarynyń uzaqqa sozylǵan narazylyǵynan keıin Beıjiń keleshekte mundaı keleńsizdiktiń aldyn alý úshin zań negizinde sharalar qoldaný kerek degen tujyrym aıtady. Zań qarjy naryǵyn da bir silkindirdi. Nátıjesinde, Hang Seng gonkongtik ındeksi 5 paıyzǵa túsip ketti.
Sarapshylar Qytaı bıligin bul sharaǵa ıtermelegen birneshe faktor bar dep sanaıdy. Máselen, qyrkúıek aıyna josparlanǵan Gonkongtegi saılaý da mundaı qadamǵa sebep bolýy múmkin.
