«25 mamyrda dástúr boıynsha mektep oqýshylary men muǵalimderi oqý jylynyń aıaqtalýyn atap ótedi. Al túlekter bilim jáne tárbıeniń besigine aınalǵan altyn uıa mektebimen qoshtasyp, san taraýly ómir jolyna aıaq basady. О́kinishke oraı, bıyl balalardyń kópshiligi sońǵy qońyraý únin estimeıdi, koronavırýstyq pandemııa adam josparlaryna túzetýler engizdi», - dep bıylǵy jyldyń elmen qosa jas túlekter úshin de erekshe bolǵanyn aıtty.
Sondaı-aq ol el úshin qıyn kezeńde, basqa da mańyzdy mamandyqtar sanatynda, Ustaz eńbeginiń qadirin de, aýyrtpalyǵyn da, mańyzyn da kóptegen qazaqstandyqtar tereń sezingenin jasyrmady.
«Osy oraıda, ózimniń de asyl ustazdarym, maǵan bilimmen birge, tálim-tárbıe bergen Almaty oblysynyń Jambyl orta mektebiniń muǵalimderine alǵysymdy bildiremin. Mektep qabyrǵasynan muǵalimderimniń eńbeginiń arqasynda qalyptasqan qasıetter maǵan maqsattaryma jetýge, óz kásibimdi adaspaı tabýǵa, jemisti jumys isteýge jáne ómir boıy izdeniste bolýǵa múmkindik berdi», - dep aıaýly ustazdaryna alǵys aıtýdy da umytpady.
Aqparat jáne qoǵamdyq damý mınıstri eldegi barlyq túlekti oqý jylynyń aıaqtalýymen quttyqtap, mamandyq tańdaýda óte muqııat bolýǵa keńes berdi.
«Kásip - ómirlik rýhanı da azyq. Adam óziniń súıikti isimen aınalysqan kezde ǵana baqytty bola alady. Maqsat qoıyńyz, eńbekqor, tártipti jáne maqsatty bolyńyz, sonda barlyq armandar oryndalady!», - dedi ol.
