– Maqsat otbasylyq-turmystyq jaǵdaıda, profılaktıkalyq jáne tizimdik esepte turǵan tulǵalardyń tarapynan jasalatyn quqyq buzýshylyqtar men qylmystardyń aldyn-alý. Is-shara kezinde túrli quqyq buzǵan 150-ge jýyq adam profılaktıkalyq jáne tizimdik esepke alyndy. Sondaı-aq 47 qorǵaý nusqamasy shyǵaryldy. Al, 16 azamatqa sotpen erekshe talaptar belgilendi. Esepke alynǵandar qatarynda 56 maskúnem, 16 nashaqor, 5 jaısyz otbasy bar, - dep habarlady oblystyq polısııa departamentiniń baspasóz qyzmeti.
Tártip saqshylary sot oryndaryna eriksiz emdeý mekemesine ornalastyrý úshin 7 azamatqa qatysty, 1 azamatty shartty túrde merziminen buryn bosatýdyń kúshin joıýǵa baılanysty usynystar joldady. Sonymen birge 1000-nan astam tulǵaǵa qatysty ákimshilik hattama toltyrdy. Quqyq buzǵandardyń 30-ǵa jýyǵy otbasynyń tynyshtyǵyn alyp, 60-tan astamy qoǵamdyq oryndarda mas kúıinde júrse, 70-ke jýyq azamat usaq buzaqylyq jasapty.
