Baspanamen qamtýǵa basymdyq berilmek

Atalǵan baǵdarlama aıasynda ERG-diń Turǵyn úı baǵdarlamasy boıynsha qyzmetkerler Pavlodar, Aqsý, Ekibastuz ben Qaraǵandy qalalarynda salynǵan úılerden baspanaly bolýǵa múmkindik týyp otyr.

– ERG úshin áleýmettik qamsyz­dandyrý, sonyń ishinde qyzmet­ker­lerimizge, bizdiń týǵan qala­la­ry­myzdyń turǵyndaryna degen qam­qor­lyq nazardan tys qalmaıdy, ̶ deıdi Eýrazııalyq Toptyń basqarma tóraǵasy Serik Shahajanov.

Baǵdarlama sharttaryna saı, eger tur­ǵyn úı áli salynyp bitpegen bolsa, qyzmetker «TÚQJB» AQ-ynda de­pozıt ashyp, qazirden bastap ózi qa­laıtyn baspananyń 30%-yn jınaıdy. Al úı paıdalanýǵa berilgen bolsa, birden baspanaly bolyp, úsh jyl boıy óziniń depozıtinde páteriniń 30% kóleminde bastapqy jarna jı­naq­taýy kerek. Depozıtine 30% jı­nal­ǵan sátten bastap, ol páterdiń men­shik ıesi atanbaq. Onyń ústine, bul somaǵa syıaqy men memlekettik syı­aqy qatar qosylady. Qyzmetker depozıtte bas­pana alýǵa qajetti qara­jat­tyń 30%-yn jınaǵan soń, qal­ǵan somany nesıe­ge ala alady. Jınaq páter qunynyń
50%-yna jetkende, bereshektiń ústemesi tómendeıdi. Nesıe 15 jylǵa deıingi merzimge beriledi.

– TÚQJB búginde qyzmetkerleri Qazaqstandaǵy 60 000 otbasyn asyrap otyrǵan alyp kompanııalar tobymen tyǵyz áriptestik ornatqanyna qýanyshty. Osy oraıda, biz ERG qyzmetkerleri tek bul baǵdarlamamen shektelmeı, bastapqy jáne buryn qoldanysta bolǵan baspanany satyp alýda «Nurly Jer», «О́z úıim», «5-10-20» syndy Turǵyn úı qurylys jınaq bankiniń basqa da baǵdarlamalaryn belsendi paıdalanady degen úmittemiz. ERG qyzmetkerlerine barynsha sapaly qyzmet kórsetip, alǵashqy kúnnen bizdiń vıdeobankimizdi, ınternet-bank pen TÚQJB24 qosymshalaryn paıdalana bastaýdy usynamyz, – dedi TÚQJB basqarma tóraıymy Lázzat Ibragımova.

ERG-diń Turǵyn úı baǵdarla­ma­sy­nyń arqasynda 2006 jyldan beri Aqtóbe oblysy (Aqtóbe men Hromtaý q.), Qaraǵandy oblysy (Qaraǵandy q.), Qostanaı oblysy (Rýdnyı q.) jáne Pavlodar oblysyndaǵy (Pavlodar, Aqsý men Ekibastuz q.) 3 myńǵa tarta qyzmetker baspanamen qamtamasyz etildi.

Aıta keterligi, Eurasian Resources Group-tyń quramyna «Qazaqstan alıý­mınııi» AQ, «Qazaqstan elektro­lız zaýyty» AQ, «Shubarkól kómir» AQ, «Qazhrom»TUK» AQ, Aqsý fer­ro­qo­rytpa zaýyty men «EEK» AQ «Shyǵys» kiredi.