–Teńizdegi jumysshylardyń 90 prosentinde indet sımptomsyz anyqtaldy. Qazir Teńiz ken ornynda PTR taldaýlarynyń sany 8000-nan asty. Ortasha eseppen kún saıyn 400-ge jýyq taldaý jasalady,- dedi ol.
Bul tásil arqyly naýqastarmen baılanysqan tulǵalardy anyqtaý statıstıkaǵa aıtarlyqtaı áser etipti. Nátıjesinde koronavırýs boıynsha oń nátıjeler sanynyń ósýin kórsetti. Jappaı synaqtar júrgizý barysynda vırýs belgileri joq adamdarda da indet anyqtalǵanypty.
–TShO men merdiger uıymdar sanıtarlyq-epıdemıologııalyq qyzmetpen birge nusqaýlarǵa sáıkes testilerdi jınaý, juqtyrǵan adamdardy anyqtaý, jeke adamdardy oqshaýlaý boıynsha is-sharalardy jalǵastyra beredi, - dedi R. Artyǵalıev.
Teńiz ken ornyndaǵy ınfeksııalyq stasıonar koronavırýs ınfeksııasynyń jumsaq jáne sımtompsyz túrimen aýyratyn naýqastardy qabyldaıdy. Munda arnaıy qabyldanǵan hattamalarǵa sáıkes 376 adam em qabyldap jatyr. Sondaı-aq, oqshaýlaý, áleýmettik qashyqtyq, betperde kııý, jeke gıgıenalyq sharalar qatań saqtalǵan.
–Biz barlyq merdigerler men olardyń qyzmetkerlerinen osy sharalardy oryndaýdy suraımyz. Olaı bolmaǵan jaǵdaıda, TShO kelisimsharttar men eńbek sharttaryn buzýǵa deıin baratyn qatań sharalardy qoldanady. TShO-nyń qaýipsizdik qyzmeti Jylyoı aýdanynyń ákimdigimen, oblystyq oblystyq taýarlar men kórsetiletin qyzmetterdiń sapasy men qaýipsizdigin baqylaý departamentimen, polısııa departamentimen birlesip, Teńizdegi aýysymdyq lagerlerde osy standarttardyń oryndalýyn únemi qadaǵalap otyrady, - dedi R.Artyǵalıev.
