Bólimshe meńgerýshileri men dırektordyń orynbasaryn qosqanda 30 adam qatysty. Jumysqa ornalastyrý jáne koronavırýsqa qarsy kúreske jumyldyrylǵan, ınfeksııany juqtyrǵan medısına qyzmetkerlerine ústemeaqy tóleýdi júzege asyrý barysyna baılanysty eńbek ujymynyń ótinishinde kóterilgen máseleler qaraldy. OQKA bas dárigeriniń mindetin ýaqytsha atqarýshy Gúlnar Qulqaevanyń qazirgi jaǵdaı jaıly baıandamasy tyndaldy. Osylaısha, aýrýhananyń 10 qyzmetkeri óz erkimen jumystan shyqty. 1 maýsymǵa deıin saýyqqan 143 qyzmetker jumysqa ornalasady dep kútilýde, al 1-15 maýsym aralyǵynda qalǵan barlyq qyzmetkerler jumysqa shyǵýǵa daıyn.
Kezdesýge qatysýshylar qalalyq karantın rejıiminiń aıasynda qalyptasqan eńbek quqyǵyn odan ary retteý sharalary boıynsha Qoǵamdyq densaýlyq saqtaý basqarmasynyń tásilderin qarastyrdy.
OQKA qyzmetkerleri úshin 1 maýsymynan bastap 15 kúnnen vahtalyq jumys ádisi belgilengen, alaıda bul ádis jan saqtaý bólimindegi mamandarǵa qatysty emes, olar úshin saǵattyq jumys kestesi qarastyrylǵan.
Sonymen birge, OQKA qyzmetkerlerin barynsha tolyǵymen (maksımaldy túrde) №4 QKA, №7QKA, QJShKKA (GBSNP) bos oryndaryna jumysqa ornalastyrý tapsyryldy.
Sondaı-aq jumysqa ornalastyrylmaǵan OQKA qyzmetkerlerine óndiristiń toqtap turǵan kezeńinde jergilikti bıýdjet qarjysy esebinen ortasha aılyq eseppen jalaqy tóleý josparlanyp otyr.
Ústemaqy máselesi boıynsha arnaıy jumys toby quryldy, tizimder jasaldy, jaqyn arada Densaýlyq saqtaý mınıstrliginiń arnaıy toby júrgizgen tergeý amaldarynyń resmı nátıjesi kútilýde. Soǵan baılanysty sońǵy sheshim qabyldanady.
Kezdesýde qabyldaý bóliminiń dáriger-travmatology D.Kýntýev, gınekologııa bóliminiń meńgerýshisi G.Ámireeva, epıdemıolog G.Jantýova jáne t. b. sóz sóıledi.
