Qala ishinde ornalasqan jasyl beldeý memlekettik orman qoryna jatpaıdy. О́rt qaýpi kezeńi bastalǵaly mobıldi top qyzmet etýde. Táýlik boıy baılanys jáne órt sóndirý quraldarymen qamtamasyz etilgen 40 ormanshy 10 kúzet munarasy (uzyndyǵy 12-18 metr) qoıylǵan 6 baǵyt boıynsha kezekshilik atqarady.
Qala aýdandary boıynsha kommýnaldyq uıymdardyń uıymdastyrýymen jyljymaly baqylaý beketter ornatyldy («Jasyl-Aımaq» RMM, «Astana-Zelenstroı» AQ, «Astana-Tazalyq» JShS). Sondaı-aq qalanyń perımetri boıynsha ashyq aýdandarda órttiń ýaqtyly anyqtalýy úshin, 4 bıik ǵımaratta 32 beınebaqylaý kamerasy ornatyldy. Kameralar jedel basqarý ortalyǵyn nysanǵa aldy.
«2020 jyldyń 26 mamyryna deıin tótenshe jaǵdaı departamenti Nur-Sultan qalasy aýmaǵynda 49 ret qurǵaq shópter men qamystardy sóndirý sharasyn júrgizdi. 2020 jyly órtengen aýmaq kólemi – 10 631 sh.m. (2019 jyly – 20 325 sh.m.) boldy. Bıyl jumysqa 379 adam jáne 72 tehnıka jumyldyryldy. Jasyl beldeýdiń orman alqaptarynda órt shyǵý faktisi tirkelmedi», – dedi Tótenshe jaǵdaı departamenti ókilderi.
Elordadaǵy jasyl beldeýdiń jalpy aýdany – 14,8 myń gektar. Onyń ishinde 11,5 myń gektary – orman alqaptary, japyraqty aǵashtardyń úlesi – 98,2%, qylqan japyraqtylar – 1,8%-dy quraıdy.
