Otyrys barysynda UQShU-ǵa múshe memleketterdiń syrtqy saıası vedomstvolarynyń basshylary halyqaralyq jáne óńirlik jaǵdaı boıynsha ustanymdarmen almasyp, Uıymnyń aǵymdaǵy jaǵdaıy men damý perspektıvalaryn talqylady.
Koronavırýstyq indettiń taralýymen baılanysty jaǵdaılarǵa jáne osy qaýip-qaterdi tejeý jáne oǵan qarsy turý boıynsha qabyldanyp jatqan sharalarǵa erekshe nazar aýdaryldy.
Qazaqstannyń syrtqy saıası vedomstvosynyń basshysy áriptesterin Qazaqstannyń UQShU qyzmetiniń ózekti baǵyttary boıynsha ustanymy týraly habardar etti, Uıymnyń odan ári údemeli jáne úılesimdi damýy maqsatynda birqatar usynystar aıtty.
UQShU elderiniń syrtqy ister mınıstrleri BUU Jarǵysynyń maqsattary men qaǵıdattaryna adaldyǵyn rastaý týraly málimdeme qabyldady. Qujat UQShU elderiniń BUU Jarǵysyna negizdelgen álemdik tártipti qoldaý men nyǵaıtýǵa beıildiligin atap ótedi.
Budan basqa, UQShU múshe memleketteri Syrtqy ister mınıstrleriniń Uly Otan soǵysyndaǵy Jeńistiń 75-jyldyǵy, BUU Bas hatshysynyń COVID-19 pandemııasyna baılanysty jahandyq soǵys áreketin toqtatýǵa shaqyrýyn qoldaýy, sondaı-aq koronavırýs indetimen kúreste nıettestik pen ózara kómek týraly málimdemeleri qabyldandy.
Dástúrli túrde mınıstrlerdiń basty nazary ózekti syn-qaterlerge, birinshi kezekte, halyqaralyq terrorızmge qarsy is-qımyldyń praktıkalyq sharalaryna aýdaryldy.
Syrtqy saıası vedomstvolardyń basshylary uıymdy damytýdyń barlyq baǵyttary boıynsha Sarapshylardyń jyl saıynǵy konsýltasııalar josparyn, sondaı-aq UQShU Ujymdyq Qaýipsizdik keńesiniń «UQShU Hatshylyǵynda kvotalyq laýazymdardy bólý týraly» sheshim jobasyn maquldady.
Otyrys qorytyndysy boıynsha qabyldanǵan qujattar Uıymdy odan ári nyǵaıtýǵa baǵyttalǵan, sondaı-aq UQShU-nyń ashyqtyǵyn, onyń basqa eldermen jáne halyqaralyq qurylymdarmen yntymaqtastyqty keńeıtýge oń kózqarasyn taǵy da kórsetti.
UQShU Syrtqy ister mınıstrleri keńesiniń kelesi otyrysy 2020 jyldyń 4-toqsanynda Reseı Federasııasynda UQShU Ujymdyq Qaýipsizdik Keńesiniń sessııasy qarsańynda ótedi.
Uıymǵa Qazaqstannan basqa Armenııa, Belarýs, Qyrǵyzstan, Reseı jáne Tájikstan kiredi.
