Foto: QR TJM
Birinshi kezeńde ákimshilik bloktyń, kapsýlalyq úılerdiń, basseınderdiń, sport alańdarynyń jáne serýendeý aımaqtarynyń qurylysy qarastyrylǵan. Aldaǵy ýaqytta keshen aýmaǵynda qonaq úı, SPA-ortalyq, tennıs korty, pırs, vorkaýt-alańy, dámhana jáne otbasylyq demalys aımaqtary salynady. Joba qutqarýshylar qyzmetiniń erekshelikteri men jumysynan keıin tolyqqandy qalpyna kelý qajettiligin eskere otyryp ázirlengen.
Astanalyq qutqarýshylar jarylystyń aldyn aldy
Baza aýmaǵynda QR TJM jedel-qutqarý jasaǵy men Apattar medısınasy ortalyǵy qyzmetkerlerinen quralǵan ámbebap qutqarý bólimshesin ornalastyrý da josparlanǵan. Bul turaqty jedel áreket etý daıyndyǵyn qamtamasyz etip, jeke quramnyń daıarlyǵy men qalpyna kelýine qolaıly jaǵdaı jasaýǵa múmkindik beredi.
Tótenshe jaǵdaılar mınıstri Shyńǵys Árinovtyń aıtýynsha, qyzmetkerlerge arnalǵan áleýmettik ınfraqurylymdy damytý vedomstvonyń basym baǵyttarynyń biri bolyp qala beredi.
«Biz óz qyzmetkerlerimiz ben olardyń otbasylary úshin laıyqty jaǵdaı jasaýymyz kerek. Qutqarýshylar táýlik boıy qyzmet atqaryp, kúrdeli jaǵdaıda jumys isteıdi. Olardyń tolyqqandy qalpyna kelip, jaqyndarymen ýaqyt ótkizýine múmkindik bolýy tıis», dedi Shyńǵys Árinov.
Astanada qutqarýshylar lıft ishinde qalyp qoıǵan 5 adamdy shyǵaryp aldy
Qurylys aıaqtalǵannan keıin keshen TJM qyzmetkerleri men olardyń otbasy múshelerine qoljetimdi bolady. Qazaqstannyń qutqarýshylary úshin mundaı demalys jáne qalpyna kelý formaty alǵash ret engizilip otyr.
