Dál osyndaı keńse Sarykól aýdanynda da ashyldy. Munda turǵyndar úshin qajet qyzmet túrlerin «bir tereze» arqyly alý múmkindigi bar. «Kómek alańdary» zamanaýı baılanys jáne kommýnıkasııa quraldarymen qamtylǵan. Sondaı-aq azamattardy «open speıs» formatynda qabyldaıtyn arnaıy bólme de bar. Bul bólmede turǵyndar ózderin tolǵandyrǵan máselelerge qatysty tıisti memlekettik organ ókilderinen tolyqqandy jaýap, ıa keńes alatyn bolady.
«Mundaı keńseler barlyq aýdandarǵa qajet. Bastysy – azamattar úshin qolaıly jaǵdaı jasalýy kerek. «Kómek alańy» keńseleri memlekettik qyzmet kórsetý barysynda halyqqa qolaıly kedergisiz orta qurýdy kózdeıdi. Munda turǵyndarǵa jan-jaqty quqyqtyq keńes beriledi. Biraq qazirgi ahýalǵa baılanysty qarym-qatynas qashyqtan júzege asyrylýy tıis», - dedi oblys ákimi.
Sybaılas jemqorlyqqa qarsy qyzmet basshysy Qýanysh Bekbasov bıyl aımaqtyń barlyq qalalary men aýdandarynda «open speıs» formatyndaǵy «Kómek alańy» keńseleri ashylatynyn atap ótti. Onyń aıtýynsha, qazir oblys boıynsha 18 keńse jumys istep jatyr.
Qostanaı oblysy
