«Birshama óńirde aýrýdy juqtyrý sany kóbeıip otyr, bul tikeleı karantındik talaptardyń oryndalmaýyna baılanysty. Memleket basshysynyń tapsyrmasyna oraı óńirler sanıtarlyq-epıdemıologııalyq talaptardyń oryndalýyn baqylaýdy uıymdastyryp, olardy oryndamaǵan azamattarǵa, mekemelerge, óndiris obektileri men kásipkerlik sýbektilerine qatysty tıisti sharalar qabyldaýy kerek», - dedi E. Toǵjanov.
Osyǵan oraı, óńirlerdiń ákimdikteri men memlekettik organdarǵa tapsyryldy:
- eńbek ujymdarynda áleýmettik qarym-qatynastyń deńgeıin barynsha tómendetý (qyzmetkerlerdiń 50% qoldaný);
- jumys kúni barysynda betperde taǵý jáne ýaqtyly aýystyrýdy baqylaýda ustaýdy uıymdastyrý;
- áleýmettik ara qashyqtyqty saqtaý múmkindigin jasaý;
- qoǵamdyq kólikke jolaýshylardyń tek arnaıy otyrý oryndaryna sáıkes jáne mindetti túrde maskasy bar bolǵan jaǵdaıda ǵana minýin qamtamasyz etý;
- qorǵanys, ishki ister qyzmetkerleriniń qatysýymen qoǵamdyq jáne óndiris oryndaryn, mekemeler men obektilerdi dezınfeksııalaý sharalaryn kúsheıtý.
Berilgen tapsyrmalardyń oryndalýy Úkimet tarapynan turaqty baqylaýǵa alynady.
