«О́tken 2 aptanyń ishinde kúndelikti ósim deńgeıi 5 paıyzdan aspady. Oǵan qaramastan keıbir óńirlerde koronavırýspen tirkelgen naýqastardyń sany kóbeıdi. Atyraý oblysy, Qaraǵandy, Almaty, Jambyl , Qostanaı, Túrkistan, Batys Qazaqstan oblystary jáne Shymken qalasynda ósim baıqalady. Osy óńirlerde koronavırýstyń taralýy úlken kásiporyndarda tirkelip otyr. Mysaly Atyraý oblysynda Teńiz kenishinde 1063 naýqas, Shymkenttegi «PetroQazaqstan» uıymynda 2019 naýqas anyqtaldy, Nur-Sultan men Túrkistan qalalarynda qurylys kásiporyndarynda 80-nen astam adam vırýs juqtyrǵan. Jambyl oblysy men Almatyda áskerı uıymdarda vırýs taraǵan. Sebebi belgili, karantın kezinde halyq úıde otyrǵan kezde keıbir qyzmetkerler jumys istedi»,- dedi Eljan Birtanov.
Odan bólek mınıstr pandemııanyń eshqaıda ketpegenin aıtyp, halyqty barlyq karantındik sharany oryndaýǵa shaqyrdy.
