«Bizdiń aldymyzda turǵan basty maqsat – bir aýysymdy mektepterge kóshý. Onsyz árıne bilim berýdiń sapasyn jaqsartý múmkin emes. Aldaǵy oqý jyly jańartylǵan baǵdarlamaǵa kóshý tolyq aıaqtalady. Endi tek bilim sapasyn retteýmen aınalysatyn bolamyz», dedi Ashat Aımaǵambetov.
Onyń aıtýynsha, áýeli bilim baǵdarlamalary men oqýlyqtardyń sapasyn arttyrý qolǵa alynady. Budan soń, baǵalaý nátıjesi jetildiriledi.
«Taǵy da bir óte mańyzdy másele – tárbıe jumysy. «Tárbıesiz berilgen bilim – adamzattyń qas jaýy» degendeı, qazir mektep qabyrǵasynda tárbıe jumysyn durys retke qoıý máselesin qolǵa aldyq. Sondyqtan osy jyldan bastap jańa tárbıe jumysy paradıgmasy iske asyrylýda. Ol otbasylyq qundylyqtardy boıyna sińirgen azamattar qalyptastyrýǵa baǵyttalǵan», dedi mınıstr.
