Memlekettik qyzmetkerlerge júktelgen ústeme jumys, salany alǵa jyljytpaıtyny, kerisinshe azamattardyń sapaly eńbek etýine keri áserin tıgizetin birden-bir faktor ekeni az aıtylyp júrgen joq. Bastapqyda budan sabaq alǵandar da, talapqa baǵynbaǵandar da kezdesip jatty. Qyzmetkerlerin qalyń qaǵazǵa kómip, eńbek ýaqytynan tys kezderde jumysqa jegý – adam quqyǵyn taptaý. Tártipke pysqyrmaǵan mekemelerdiń basshylary ákimshilik jaýapqa tartyldy. Arnaıy júrgizilgen tekseris jumystary bul baǵyttaǵy ózekti máselelerdiń durys sheshim tabýyna oń áser etti dep aıta alamyz.
Memlekettik qyzmetkerler atqaratyn ústeme jumystardy joıý, ıkemdi jumys kestesin engizý, kompıýter sekildi jumys qurylǵylaryn avtomatty túrde óshirý baǵdarlamasyn engizý salaǵa tyń serpin bergeni anyq.
Zertteý nátıjesine saı statıstıkalyq málimetterge júginsek, quzyrly oryndar men mınıstrlikterde, ákimdikterde ústeme jumys sany edáýir azaıǵanyn kóremiz. Joǵaryda aıtqanymyzdaı, bul memlekettik organdar qyzmetkerleri úshin asa mańyzdy. Sondyqtan bul baǵyttaǵy is-qımyldardy júıeli jalǵastyrýǵa aıryqsha mán beriledi.
Nurlan Álimuly,
Memlekettik qyzmet salasyndaǵy baqylaý basqarmasynyń bas mamany
