– Koronavırýs ınfeksııasymen kúreske respýblıkalyq bıýdjetten 500 mln teńge bólindi. Shamamen osyndaı kólemdegi qarjy jergilikti bıýdjetten de qaraldy. Bul qarajat maqsatty túrde jumsaldy, - dedi oblys ákimi.
Ákimniń málim etýinshe, demeýshiler, kásipkerler sondaı-aq, kásiporyndar men kompanııalar da kómek kórsetip otyr. Demeýshilik qoldaýdyń nátıjesinde qajetti medısınalyq qural-jabdyqtar, jeke qorǵanys quraldary, dári-dármekter satyp alynypty.
– Qonaq úılerde demalǵan medısına qyzmetkerleriniń, karantınde jatqan azamattar úshin jatyn ornynyń aqysy tólendi. Ýaqytyly tamaqtandyrý uıymdastyryldy. Bastapqyda 180 ınfeksııalyq oryn jasaqtalsa, qazir bul 540 orynǵa deıin kóbeıtildi. Sondaı-aq 300-den asatyn provızorlyq oryn, 2000-nan astam karantındik oryn jasaqtaldy, - dedi oblys ákimi Mahambet Dosmuhambetov.
