- Oqıǵaǵa qatysty QR QK-niń 191-babynyń 2-bólimi boıynsha sotqa deıingi tergeý júrgizilýde. Bap sanksııasy kúdiktiniń múlkin tárkilep, úsh jyldan jeti jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jazany kózdeıdi, - dep habarlady oblystyq polısııa departamentiniń baspasóz qyzmeti.
Rýdnyı polıseıleriniń ábjil qımylynyń arqasynda munan basqa taǵy bir qylmys ashylyp otyr. Polısııa basqarmasyna jergilikti kásiporyndardyń birinen quny 107 myń teńge bolatyn mys kabeli urlanǵany týraly shaǵym kelip túsken. Jedel izdestirý sharalary barysynda 37 jastaǵy Rýdnyı qalasynyń turǵynyn ustaldy. Kúdikti jeke menshik ıeliginen uzyndyǵy 15 metr bolatyn mys symdy urlap, garajda jasyryp qoıǵan. Tergeý barysynda kúdikti óz kinásin moıyndap, oljasyn metall qabyldaý pýnktine tapsyrmaq bolǵanyn aıtqan. Qazir qylmystyq is sotqa jiberildi. Al kásiporyn basshysy qylmysty izin sýytpaı ashyp, joǵalǵanyn taýyp bergen tártip saqshylaryna alǵys bildirdi.
Qostanaı oblysy
