Aımaq basshysy Qarabalyq aýdanyna jumys sapary barysynda atalmysh qus fabrıkasyna soǵyp, óndiristegi ózgerister barysymen tanysty. Kásiporyn basshysynyń aıtýynsha, ilkimdi joba «Qarapaıym zattar ekonomıkasy» baǵdarlamasy arqyly júzege asyrylyp jatyr. Fabrıkanyń búkil óndiristik qurylymyn jańalaýǵa 4 mlrd teńge qarjy jumsalmaq. Nátıjesinde 260 jańa jumys orny paıda bolmaq.
Oblys ákimi odan keıin aýdandaǵy «Jumyspen qamtýdyń jol kartasy» baǵdarlamasynyń júzege asyrylý barysymen tanysty. Qarabalyq óńirinde bul baǵdarlama boıynsha 4 joba iske asyrylyp jatyr eken. Olardyń jalpy quny 305 mln teńge bolady. Búginge deıin 84 jumys orny ashylǵan, onyń teń jartysyna turǵyndar eńbekpen qamtý ortalyqtary arqyly ornalasqan.
Qarabalyqtaǵy birqatar áleýmettik nysandardy aralap shyqqan ákim odan keıin «Agro-Toro» seriktestiginiń egin alqabynda jergilikti aýylsharýashylyq taýarlaryn óndirýshilermen kezdesti. Basqosý barysynda kóktemgi alqap jumystarynyń barysy men aýdannyń agroónerkásip keshenin damytý jaıy talqylandy. Qarabalyq aýdanynyń dıqandary bıyl 244,7 myń ga alqapqa dán sińirýdi josparlap otyr.
