«Elordanyń ósý qarqyny men qaladaǵy halyq sanynyń artýyn eskere otyryp, ınfraqurylymdy damytý, qajetti nysandardy salý boıynsha jumystar atqarylyp jatyr. Qurylysqa jeke ınvestorlardy da tartamyz. Investorlarǵa el basshylyǵynyń tapsyrmasyna sáıkes qolaıly jaǵdaı jasap, ınvestklımatty jaqsartý úshin jumys isteımiz», - dedi qala ákimi Altaı Kólginov.
Keńeste jeke emhanalar, fıbrosementtik plıtalar shyǵaratyn zaýyttar, taratý ortalyǵy (farmpreparattar úshin), bilim berý mekemeleri men t. b. qurylys jobalary qoldaý tapty.
«Sonymen birge jobalary qoldaý tapqan 40 ınvestormen onlaın-keńes ótkizdik. Qoldaý kórsetilgen jobalardyń qazirgi ahýalyn, qandaı kómek qajet ekenin anyqtadyq. Investorlarǵa qajet kómekti kórsetemiz. Qala men turǵyndar qajet etetin jobalardy qoldaımyz», - dedi qala ákimi.
