Biz búgin pedagogtarǵa arnalǵan testileýdiń onlaın rejimde ótetinin jazdyq. Al testileýden burynǵydaı tek mektep muǵalimderi ǵana emes, kolledj ben balabaqsha pedagogtary da óte alady.
О́ıtkeni mınıstr jaqynda:
«Pedagog mártebesi týraly» zań aıasynda bıylǵy qyrkúıek aıynan bastap áriptesterimizge ústemeaqy alý múmkindigi týyp otyr. Ol úshin jaz aıynda testileýdi, jalpy attestattaý rásimin ótkizip alýymyz kerek. Boljam boıynsha 100 myńdaǵan áriptesimiz osy testileýge qatysady dep otyrmyz. Árıne, bireýi ótedi, bireýi óte almaıdy. Qalaı desek te, biz ondaı múmkindikti berýimiz kerek. Qyrkúıekten bastap attestattaýdan ótken áriptesterimiz ústemeaqy alýy tıis», degen edi.
Iá, pedagogtar jalaqysyna qosymsha 50 paıyzǵa deıingi ústemeaqy alý úshin Ulttyq biliktilik testileýden kerek.
Eske sala keterligi, testileýdi tek ustazdar ǵana emes, sonymen qatar bilim berý ortalyqtarynyń qyzmetkerleri de tapsyra alady. Iаǵnı Ulttyq biliktilik testileý mektepterdegi muǵalimderdiń ǵana emes, ádiskerlerdiń, mektepke deıingi, qosymsha bilim berý uıymdardyń, TjKB oqytýshylarynyń jáne bilim berý uıymdary basshylarynyń da jalaqysyn kóterýge múmkindik beredi.
