Jańadan anyqtalǵan naýqastyń úsheýi Qyzylorda qalasynan, taǵy úsheýi Aral aýdanynan, al bir turǵyn Jańaqorǵan aýdanynan. Jeti naýqastyń úsheýinde aýrý belgisi skrınıngtik tekserý kezinde anyqtalsa, tórt derek Atyraýdaǵy «Teńizshevroıl» kompanııasynda vahtalyq ádispen jumys isteıtinder arasynan tirkelip otyr.
- Osy rette «Teńizshevroıl» kompanııasynda vahtalyq ádispen jumys jasaıtyn azamattardyń talapqa baǵynbaı, dárigerler jumysyna kedergi jasap otyrǵanyn jasyrýdyń jóni joq. Olardyń kópshiligi test synamasyn tapsyrýdan, karantınge jatýdan bas tartady. Biraq osydan 14 kún buryn olar vahtadan kele salysymen test synamasy alynyp, alǵashynda teris mán kórsetkenmen ýaqyt óte kele sol azamattardyń arasynan keıin aýrý belgisi anyqtalyp otyr, – deıdi basqarma basshysy.
Jaqsylyq Ábilqasymuly qazir oblysta 94 adamnyń em alyp jatqanyn aıtyp ótti. Jansaqtaý bóliminde jatqan 4 naýqastyń bireýiniń jaǵdaıy áli aýyr.
